متزوجة وحلمت أني خطبت في المنام

السلام عليكم لو سمحت ياشيخ عندي حلم قلقني وودي افسره اذا امكن انا متزوجه سنوااات وعندي بنت واهلي واخواني يحبون زوجي جداً وهو يحبهم ولامنهعني منهم ابداً حلمت ان زوجي وداني لأهلي زياره كم يوم وبيرجع وفي هذي المده كاني انخطبت لواحد ووالدي وافق على الخطبه (وانا على ذمة زوج) وكأن الخاطب وسيم وتاجر وفي الحلم اسمه سعد (رأيته في الحلم ابدا مااعرفه في الحقيقه) وكاني ابكي واتجهز للنظره الشرعيه واختي تقول والله ان اسم سعد احسن وتاجر وغني وانا اقول لا والله ان اسم علي احسن وادافع عن زوجي وابكي بكاء هادي.. وكأن زوجي مايدري بخطبتي وجالس يراسلني وقتها يتطمن علينا وشفت رمز ♥️في المنام منه كرساله واسال امي اقول ووش اقول لعلي طيب قالت يستاهل عشان ماعاديقول ليه تروح لابوها وامها ماله داعي واستعجلي انزلي خالتك نوره مستعجله يقولون لاتتجهزين كثير ولاتتروشين خليك كيذا وفجااءه اخو زوجي الاصغر اشوفه من بعيد يلاعب بنتي واخته الكبيره جات مبتسمه مره وتقول تأخرتي كل هذا تجهيز انزلي بسرعه ينتظرونك ورحت ابكي عند ابويه واقول ماابغا ترى علي حبيبي ياابويه مااقدر مااقدر ويقول لا ماهو حبيبك اصلاً انا خاصمته وقالي انك قليل ادب ومالك دخل وجلست ابكي وصحيت وانا ابكي