حلمت بأخوتي وأن ابن أختي انسرق

حلمت اني انا واخواتي جلوس في بيت ونسمر وكذا واختي الكبيره ما جابت ولدها تركته في بيتهم لحاله نايم وهو الولد عمره ٦ اشهر اسمه نايف وانا احب ذا الولد كثيير كانه ولدي واكثر ويوم كنا نسمر جات بنت خالتي دخلت علينا قالت لها اختي شفتي نايف ع طريقك يعني صحى من النوم وكذا قالت لا جيت وبيتكم مفتوحه ابوابه كلها قلت انا ونايف ف البيت والا لا قالت لا احنا قلنا انسرق وع طول امه تبكي قلت وينه قالت ما لقيت الا رجلينه مقطوعه ويده وراسه مقطوع عن رقبته ومكتوب اسمه ف الغرفه اللي هو فيها بالدم انا ع طول ما تحملت وابكي واصيح وامه نفس الشي واللي عندنا وانا اقوم واصيح تكذبين نايف ما فيه شي نايف حي واقوم اخبطهم كلهم واقول جبو نايف جبوه والا ودوني عنده واصيح وابكي ب اقوى ما عندي وبطني تألمني لاني حامل ف الشهر الثامن في الحقيقه وفي الحلم وبعدين قالت اختي انا بروح بشوفه قلت وانا معش ورحنا نسير لبيتهم وانا بالشده اسير ع رجولي وهي تسير قدامي وانا اصيح واحتررق من دااخل ع الولد واتخيل شكله ندخل عليه وهو مقطع ولاني متخيله انه مات واسير وابكي وحالتي حااله اكثر من امه ويووم قربنا للبيت حسيت ب الم قووي في بطني كانها الولاده قلت هذي الولاده جاتني مبكره عشان تعبت كثير وتعبت نفسيا عشان نايف وقلت لها انتي روحي شفيه في بيتكم وانا برجع لامي ورجعت ومره اقوم ومره اطيح من الالم وفجئه التفتت وراي الا واشوف السما بدت تسوود والسححاب كثر واعصاار قووي مرره جااي من بعيد الا واستعجل ابغا اوصل قبل تمطر او يجي الاعصار ويوم وصلت عند امي وهو نزل المطر وبس هذا حلمي وانا حامل ب اول مولود لي في الشهر الثامن