أهل الطليق في المنام

حلمت ب اهل طليقي حلمت ان طليقي ارسل رسالة على جوال اولادي طلب مني انو يبغى رقم ملف قضية كان رافعها ضدي عشان يقراه وطلب كمان يشوف الاولاد ويمشيهم مع اهله طبعا انا خفت على اولادي وقلت لازم اروح معهم عشان لا يخطفوهم او يسوولهم شي وكان محدد مكان يقابلهم فيه ورحنا للمكان واشوف بناتي لابسات قمصان قمت قلت لهم ليش ماغيرتوا ملابسكم صعبة تقابلون اهلكم كذا واخذتهم على غرفة وغيرت ملابسهم كلهم وخرجنا وانتظرناهم يجوا ولما وصلوا كانت امه واخته الكبيرة واخوه الكبير معه وامه كانت تناظرني بنظرات حقد وكره وتمشي من عندي وماسلمت علي جتني اخته سلمت علي وقالت لي ابغى اكلمك بموضوع رحت جاوبتها وقلت لها مابيني وبينكم شي واللي بيينا بس العيال مافي شي ثاني راح اخوه يضحك ويقول سمعتوها وش قالت مابيننا غير العيال رحت رديت عليه وقلت بعد اللي سويتوه فيني واللي سواه اخوكم فيني جايين تبون تتكلمون معي خلاص كل شي انتهى والعيال هم اللي مرتبطين فيكم عيال اخوكم انا مالي اي صلة فيكم واشوف امه تقول اسمعوها وش تقول ماقلت لكم مو لازم نكلمها وهي تضحك ومبسوطة ومحتقرتني و كنت اتكلم وانا مقهورة بسبب ولدهم واللي سواه فيني وطليقي كان جالس على جنب مع الاولاد يناظر فيني ويسمعني وانتهى الحلم ، قمت من هالحلم وانا فعلا مقهورة وحزينة قمت اتعوذ من الشيطان واردد حسبي الله ونعم الوكيل مطلقة وعندي اطفال وغير موظفة