ما تفسير حلم الغابة؟

السلام عليكم حلمت امس اني كأني بدوله اجنبيه يمكن نيوزيلاند وكأننا رايحين مكان لازم كلنا نروح (ما اعرف الناس) وكنا نمشي سوا وكأن حولنا تراب وشجر (مو صحراء يمكن غابه) وصار قدامنا نهر لازم نقطعه وكان فيه موظفين كانهم حقين جمارك يحطوننا بسطول (او صناديق) ويرموننا بالنهر وحنا نقطع النهر بالطريقة ذي. نبي نروح للجهه الثانيه ثم قلت انا ليش ما رحت من ذيك الجهه ابعد وحوسه شوي لاكن احسن من قطعة ذا النهر وقال لي الموظف اجنبي ب ٣٠ ريال نخليك تقطع وعطيته الفلوس ثم قلت باشوف يتبللو ثيابي او لا باشوف الناس كيف وضعهم. كنت لابس ثوب ابيض سعودي المعروف. وشفت واحد رجال طب بالسطل او صندوق بلاستيك لاكن غاص جسمه كامل الا رأسه وقلت انا لا بعدين باشوف لي حل معي فلوس وبطايقي مابيهم يتبللو واذكر اني رجعت للمدينه اللي كنت فيها وكنت ادور حل كان يمكن النهر ٢٠ متر بس يوم سالته يودينا للجهه الثانيه قال لا يدخلك جوا يعني تمشي مع النهر وفيه لفات حتى توصل المكان اللي نبيه وكنت اقول ليتني رايح مع الطريق الثاني. واذكر اني كنت اقول بالمنام حتى امي يوم سافرت تركيا قطعت هيك نهر ماشاء الله عليها كيف تحملت. وكنت اسوي اتصالاتي يعني واسطات يشوفون لي حل يوم رجعت للمدينه اللي كنا كلنا فيها. (وانا لي أسابيع مقدم على شركة أمريكيه سعوديه تدرب الحرس الملكي وتقريبا شبه قبلوني لاني مهندس اصلا) اعزب وعاطل ٣١ سنه