ما تفسير حلم الاقارب بالمنام

السلام عليكم حلمت أني كنت بالباص الي متوجه ع القدس (المسجد الأقصى القصد) .. الباص كان فيه ناس وأنا كنت قاعده لحالي وقدامي كان شخص قرابتي (من عيلتي القصد) .. صار بيناتنا حكي وممكن كنت حابه يجي يقعد جمبي بالباص . المهم بس نزلنا (بالترويحة) نزلنا مع بعض بالبلدة عنا ولما قطعنا الشارع كان ابوي واخوي مقابل محل شغل ابوي وبدهم يطلعوا ع السيارة لحتى يروّحوا ع البيت .. المهم ابوي شافنا من بعيد جايين واحنا منقترب نحوه (وهاد الشخص بكون قرابته طبعا شاب يعني)، ممكن ما حسيت ابوي هاللهفة اله او بتهيألي .. فأنا بسال بهاد الشخص بحكيله اذا ما معك سيارة منروحك مع ابوي اطلع معنا بالسيارة .. هو تردد اذا يطلع او لا (حسيت تلبك من انه ابوي ما يكون بده يطلع) وأبوي ما شجع كثير بس انا اصريت يطلع من باب الذوق .. وأبوي حكاله انه اه يطلع معنا .. طلع معنا بالسيارة بس لاحظت كان حافي يعني مش لابس اشي برجليه