حلمت أني سأجري عملية في المنام

حلمت اني رايحة اعمل عملية في قلبي ولقيت شخص يملأ استمارة فقلت له اكتب عنوانك اللي انت موجود فيه عشان لاقدر الله لو حصلك حاجة في العمليه يبقى سهل عليهم يتواصلوا مع اهلك وكان معايا ورق لتحاليل العملية اللي هعملها فدخلنا عند الدكتور اللي هيعمل لينا العملية وكنا خمسه الأربعة اللي معايا قعدوا جمب بعض وانا قعدوني لوحدي فشاف التحاليل بتاعتهم وركن التحليل بتاعي فأنا قمت حطيته امامه عشان يشوفوا وهعمل العمليه راح راكنه وبنت من البنات اللي معايا في مكتب الدكتور كانت بتشرب شاي وحطت الكوباية ع التحليل بتاعي وانا زعلت وقولت لها حد يعمل كدا راح الدكتور مسك التحليل وكرمشه وعايز يرميه في الباسكت قومت انا من مكاني وخدت منه التحليل وقولت له حرام عليك دانا عملاه ب 210 انا مش معايا فلوس تاني ورحنا أمام أوضح العمليات وكانت مفتوحة شوية وانا شايفة دكتور بيعمل عمليه لشخص غريب وانا بقول في نفسي هما ازاي يسيبوا الغرفة كدا مفتوحة دي العمليه بتاعتهم تتلوث وبعد ما الدكتور خلص العمليه رمي الشخص ع الارض فبقوله ليه كدا قالي شديه ودخليه اوضة الافاقة روحت شديت الملاية بالشخص وكان شخص اسود جدا بس لقيت جرحه في صدره اليمين فأنا بقول في نفسي القلب في الشمال ليه عامل في اليمين فالشخص ابتدي يفوق وانا بجره وبيحاول يمسك جرحه فأنا مسكت ايده وقولت له هتعور نفسك انت خلاص هتبقى كويس بس متتحركش كتير وانا بجره لقيت راجل اسود برده جاي من اوضة الافاقة قولتله جره معايا عشان بيفوق ويعود نفسه قالي انتي هتعملي عمليه قولتله اه بس هدخله الأول قالي روحي انتي وانا هدخله ومشيت وقومت ساعتها من النوم