رؤية الهدايا في المنام

انا ليا صديقة عزيزة عليا جدا وعلاقتنا وثيقة اوى فحدث ان خطبتنى لاخوها وبسبب سوء تفاهم بسيط بينى وبينه تفشكلت الخطبة فادى ذلك الى توتر علاقتى بيها وانقطاعها الى حد ما ودا مسبب ليا حزن شديد فحلمت ان انا كنت فى مكان زى مدرج كليتى وباقول للبنات يالا هاتو الهدايا لكن انا مش فاكرة فى الحلم هما البنات دول قرايبى ولا طلبة فى الكليه ومش فاكرة الهدايا بمناسبة ايه فاول واحدة ادتنى الهدية وقالتلى كل سنة وانت طيبة وباستنى وقلتلها وانت طيبة يا……. وقلت اسم صديقتى اللى علاقتى بيها شبه مقطوعة فالبنت زعلت منى انى غلطت فى اسمها وسابتنى ومشيت فانا قلت فى نفسى يااااااه للدرجة دى صديقتى على بالى وباغلط فى اسم الناس باسمها وبعدين اخدت باقى الهدايا من البنات وكانت هديا كتير وكلها ملفوفة وكنت مبسوطة اوى بيها دا الحلم الاول ثانيا صديقتى اللى قلت عليها كانت مخطوبة قبل كدا فانا حلمت انى هارتبط بخطيبها السابق وكنت موافقة وراضيه بيه وقلت هيعمل اللى انا عاوزاه ومفرقش معايا انه كان خطيب صاحبتى رغم انى فى الواقع ارفض تماما انى ارتبط بيه اولا لانه كان خطيب صديقتى وثانيا ان انا وهو غير مناسبين لبعض ارجو تفسير الحلمين