حلمت انه في كفتة على باب بيتنا

حلمت اني كنت جايه من بره داخله بيتنا هو عماره بتاعتنا .. فلقيت بابا واقف عند الباب بتاع العماره وفيه كفته كتير كده قدام الشقه الي ف الارضي فبقوله دي كفته مين قالي دي بتاعه الايتام ( هو بابا اصلا مشترك ف جمعيه للايتام وبيجيب حاجات كتير تبرعات ليهم وبيشيلها عندنا ف الشقه الي ف الارضي لغايه ما تتوزع علي الاطفال الايتام دول ده العادي اصلا ) وبعدين لقيت خالي داخل شايل صنيه كبيره فيها رمان كتير كله مقفول ماعدا واحده مفتوحه ةالرمان الي فيها احمر كده وبيقول لبابا انا جبتلك الرمان اهو للايتام .. بس رحت انا طلعت السلم للشقه بتاعتنا ف الدور الاول وكان معايا شنطه فيها رمانه واحده رحت واخده منها حبه رمان وحطتها مكان المفتاح ف الباب وفتحت الباب ودخلت لقيت امي قاعده وعندنا ضيوف سلمت عليهم وكانو متجاهلني كده ومش بيردو ع كلامي رحت سبتهم ودخلت جوه .. بس كده