تفسير قرأت القرآن في المنام

أنا حلمت حلم مش عارفة إفتكر تفاصيله بس فاكره مفهومه بصوره عامه ارجو تفسيره حلمت إني بقراء قرآن أو بذكر ربنا و في حد مش شايفاه معايا في الاوضه بيشدنى من الطرحه بتاعتي وأمى كانت جمبي وكان وشها منوره قوى وكانت بتصلي وأنا خايفه مش عاوزه أكمل ذكر أو قراءه قرآن لأني عارفه كل ما هيزيد ذكرى لربنا الحجات دي هتظهرى وأنا خايفه مش عاوزاها تظهر وفي نفس الوقت مش هينفع طبعا أبطل ذكر ربنا فكنت بحاول إني مش أبقى لوحدي في الاوضه ماما خلصت صلاه وسابت الاوضه خرجت لاختى الصغيرة أعد معاها في الصاله علشان لو بقيت لوحدى الحجات دي هتظهري بس كانت وأنا مع إختى بتشدني من الطرحه من غير ماتبقى ظاهره علشان عاوزاني أبقى في مكان لوحدى علشان تظهرلى وأنا عماله بقول لاختى ما تسبنيش علشان مش يظهروا ليا أنا مش هعرف أبطل ذكر وقرآن وهمه المفروض كل ما اذكر ربنا يقربوا منى ويظهرولي بس أنا خايفه منهم مش عاوزاهم يظهرولي فعلشان كدا بحاول إني ما بقاش لوحدى خالص وكنت عارفه إنهم قربوا خلاص يظهرولي من كتر ذكرى لربنا همه أعدوا يشدوني من الطرحه لحد ما دخلت الاوضة وكان المفروض هيظهر وا والمفروض إني مع الوقت ممكن هيظهرلى الرسول . .......... الحالة الإجتماعيه :_أنا مطلقه ومازلت عذراء بعد جواز دام خمس سنين وماحدش عارف إني عذراء غير طليقي واخويا بس وصحيت من النوم بعد الشروق بعشر دقايق وقبل ما أنام كنت قراة سوره البقره كامله وأنا بقالي شهر بقراها يوميا تقريبا.