ما تفسير حلم المشوار

في الواقع انا مرتبطه بشخص وأمي وأخواتي علي علم بالموضوع وموافقين به ، ووالدي في الحقيقه متوفي .. حلمت اني كنت في مشوار معاه هنا في القاهره "مع العلم انه من محافظة تانيه" .. واهلي كلموني ان بابا فاق في المستشفى وصحته بقت كويسه ، فقولت للولد ده قالي طب يلا نروح له عشان احكيله اني عايز اتقدملك مش ده اللي كنا عايزينه يحصل زمان .. المهم روحنا بالفعل ولما وصلت هناك لقيت ماما واخواتي استقبلوه وهما فرحانين بيه جدا ، وشوفت بابا كان قاعد في الريسيبشن بره غرفته بس مغمض عينه كأنه كان عامل عمليه فيها زي ما كان بيحصل في الحقيقه .. فالولد اللي مرتبطه بيه قال لمامتي واخواتي انه هيكلم بابا دلوقتي ومش هيضيع الفرصه تاني وانا اللي كنت رافضه وبقولهم انا شايفه الظروف متسمحش دلوقتي ولا المكان ، المهم أصر انه يكلم بابا.. وفعلا راح كلم بابا ، لقيته جاي بعدها بيقولي انا همشي وكان متضايق ان بابا كلمه بطريقه وحشه قدام عماتي وأجوازهم وقاله انت مين انا معرفكش وبتكلمني علي اساس ايه وكدة ، "وبيني وبين نفسي وهو بيحكيلي انا كنت حاسه ان بابايا عنده حق" .. فقولتله طب معلش متزعلش استني انا هتكلم معاه وافهمه ومتمشيش وكدة ، ولقيت جوز عمتي الله يرحمه خارج من عند بابا وبيقولي تعالي طيب كلمي انتي بابا ، فدخلت لبابا مكانش راضي يتكلم ومغمض عينه ولقيت عماتي كانوا بيأكلوه فخدت منهم الاكل وأكلته زبادي وأكل مني