ما تفسير هذا الحلم ؟؟؟ ساعدوني

 حلمت انه انا بمطبخ واقفة وجمبي شخص ما بعرفه وكان الشخص الي حبيته وانفصلت عنه وانا اتزوجت وهو انزوج قاعد ع بابه ع كنبه ومستلقي وحكالي بدي مي طنشته وحكيت حدا غيري. بيرد عليه شوي حكالي بصيغة الأمر بدي مي بصراحة بديش ارد عليه بس خفت فرحت دورت ع شي مكان احط فيه مي لقيت زير فخار حطيت منه بكاسه نصها اجى من وراي وحكالي هاتي بس اطلعت في الكاسة لقيتها نصها تراب وقزاز صغير متكسر وشوائب حكيتله وسخه يعني يدور شي تاني ودرت وجهي حكالي ما زالها منك في عسل وشربها طلعت من المطبخ ومشيت لقيت ممثله كويتيه اسمها مرام البلوشي بوجهي حكيتلها فيك تعلميني التمثيل وتخليني أمثل حكتلي تعالي واخدتني ع مخرج بالاول رفضني بعدين حكالي لجمالك بتنفعي وحكالي راح ناخدك ونجربك المهم وطلعت انا وهي وهي ماسكة ايدي بشدة وشوي لقيت هالشخص الي بحب بوجهي هو ومرته وكانهم مبسوطين وبنطو وهما بيمشو وقفت شوي بلحظه فكو ايديهم من بعض وكل واحد منهم راح بجهه وهو بيطلع فيا بحسره او نظرة غريبة ما عرفتها يمكن ندم ما بعرف وهي بتتطلع فيا بزعل المهم طنشتهم وضليت ماشية بطريقي وماسكة بإيد مرام وشوي بعد ما مشينا لقيت فرشة تخت واسعه جالسين عليها هوة ومرته حكيت براسي انتو وراي وراي لقيت بلحظه مرام الممثله طيرتني بالهوى ورمتني ع الفرشة هاي محل مرته الي كانت بتتطلع فيا نظرة غريبة وحسيتها حقد واخدت مكانها ع الفرشة وصحيت من الحلم فيا ترى شو ممكن يكون تفسيره هادا الحلم ساعدوني