أحلم دائماً أن حبيبة حبيبي تراقبنا

بنات انا مرتبطة بواحد ٧ سنين و على وشك اننا نتخطب بس هو لسة بيجهز نفسه من كام شهر اتخانقنا خناقة كبيرة بسبب سوء ظن بيننا و قطعنا شهرين و ساعتها افتكر انى هتحطب فخطب قريبته علشان ينسى و طبعا كانت ايام مؤلمة جدا ليا و ليه و لما فهم ان مفيش اى حد فى حياتى و انه ظلمنى حاول يتواصل كتير جدا معايا و هو خاطب و انا مكنتش برد عليه غير فى مرة كلم صحابى و عرف يوصلى و فهمنى انه فاهم غلط و انه سابها و كان كل ده معاها بسبب اهله بس هو فاض بيه و قرر يسيبها بعد خطوبة شهر و نص رجعنا و بقالنا ٣ شهور مع بعض و كل حاجة تمام بس انا مش عارفة انسى و كل شوية ادور و اشوف حاجات عن ايام خطوبتهم و فرحة اهله بيها مع انهم عارفين اننا كنا بنحب بعض و الايام دى مش قادرة انساها و انى اتوجعت من خبر خطوبته لدرجة ان لما بنت فى الجروب تقول ان حبيبها خطب قلبى بيوجعنى جدا هو كويس معايا و يتمنى رضايا و نفسه يكلم اهلى بس انا رافضة دلوقتى لحد ميجهز نفسه و ميكنش فيه سبب ان بابا يرفض بس انا كل سوية افتكر و اعكنن عليه و افتكر انه عاش الحاجات اللى احنا مستنينها مع حد تانى و هى قريبتهم بعنى بتروح عندهم و هيتقابلوا لما يرجع علشان هو مسافر انا بقالى يومين بحلم بكوابيس فى الموضوع ده و اننا كنا ساكنين فى قصر كبير و هى لتراقبنا من الشبابيك و كانت الشبابيك ازاز و استغلت خناقة بينا علشان تقرب منه و نجحت فى ده و انهاردة حلمت انهم راجعه و اتجوزوا.. انسى ازاى؟