ما تفسير رؤية السرير الأبيض في المنام

حلمت انه صحيت من النوم وتفاجأت باني بمكان غير المكان اللي نمت فيه سرير ابيض على حجمي والغرفة لون جدرانها اصفر فاتح وشفت نفسي حامل وبطني تبين انه خلاص على وشك ولادة وامي تدخل عليا وهي مبستسمة وانا تضايقت لما شفتها قلت انا ايش جابني هنا و كيف انا حامل قالت لي انه انا كنت بغيبوبة وأنه زواجي بس عزمو وحطو عشا وكذا وخلاص زوجي يعني يجي البيت ويهتم فيني وانا مستغربة اقول ما صبرتم لين ما اصحى من الغيبوبة وأتزوج انا بنت وأبغى افرح بزواجي والفستان الأبيض وقالت لي اعذرينا ايش نسوي عصبت مره منها وتضايقت بعدها كنا بمكان غريب انا واني عشان يعني بروح أولد وكذا وفي بوابات ما تعدي الا ببصمة وكذا المهم وعدي الا تصير مشكلة وارجع اطلع وادخل من جديد بعدها الا انا بنفس الغرفة ثاني الا انا صحيت منها ومعايا ولد رضيع انا ما شفت الولادة أبد وجا زوجي(للعلم اللي بالحلم متزوجني هوا حبيبي وأهلي ما بيعرفو وبنحب بعض لشهور ونبغى نجتمع ببعض ونتزوج بس في عوائق كثير قدامنا) واستقبلته وكان بيطلع حاجة من راسه دائرية مثل شريطDVD وهي تنقسم نصين وتطلع منها كورة صغيرة وقال انه لو طلعها كل مشاكله النفسية وأمراضه تنتهي وانا على طول أخذته وكسرتها وهو عصب يبغى ياخذها مني يصلحها ويدخلها راسه من جديد وبيقول لي ما ابغى اتحسن وانا اعطيها أبويا وهوا كسرها زيادة وراح يطشها بالزبالة زوجي عصب مني وراح وقال مني براجع ثاني خلاص وانا حزنت قلت حتى ما جا يشوف ولده وبعدها ما قعدت كم ساعة الا هوا يتصل على ابوي بانه جاي وابوه بيجي كمان ودخل علي واعتذر ليا وانسدح بجنبي وولدنا بيننا وكان ابيض وخدوده وردية وجميييل مره للعلم انه انا بيضا وهو اسمر زوجي اللي هو حبيبي بالواقع وقعدنا نتكلم ومبسوطين وإلا اقول ايش رايك نسميه روميو الا قال طيب موافق وكان مره فرحان بولده وبعدين كأنه في عزيمة بالبيت واشوف اخواتي وهم توام أتفاجأ بانهم كبروا وصار عمرهم ١٢ و بطولي وانا افتكرهم صغار وهم ٧ سنين فاستغرب واقول كنت بغيبوبة طول هذي الفترة وكثير من أقاربنا موجودين وادخل معايا ولدي وبيباركولي ويسألوني ايش اسمه بقول اسمه روميو ويستغربون باقول انه حبيته وهوا في رواية روميو وجولييت وحبيت الاسم واشوف وحدة بقبعة معها طفلة الا ترفع القبعة وانصدم طلعت خالتي وهيا مهي متزوجة ولا مخطوبة اصلا وتقول لي انه عندها ولد كمان واتفاجا انه انا عندي توام ولد وبنت ويقول ليا زوجي ايش نسميهم شو تفسير الحلم