حلمت بفتاة سمراء نامت بجانبي

حلمت كاني كنت منسدحه علي سرير، فجأه جت بنت سمرا عيونها مفتحه بشكل مخيف وانسدحت معي، وسألتها اشفيكي قالت قتلت امي او ابوها او اخوها نسيت، وكأنها تقول احسن ماني ندمانه وتعلمنا انها بتنعدم، شوي اخذوها الشرطه ومعاد ادري وش صار لها، شوي اشوف ناس تتجمهر واسمعهم يقولون بيعدمون طفل وشوي اقرب من الولد الا هو صغير يمكن عمره من ٤ الى ٥ سنوات واشعث اغبر وحالته حاله، واول ماشافني ركض عندي وهو يبكي يستنجدبي بأسمي يقول انت تعرفيني يافلانه انت تعرفيني، ماعرفته ابدا وقلت له ليش يبون يعدموك قال مسكت الرشاش وقتلت ناس، شوي الا وعيونه اليسار تنقلب على ورى بشكل مخيف، مسكت عيونه وقريت عليها ليما جو ناس ودخلوه عند الشرطه بعد محاولات مني انو محد بيعدمه وهو صغير، كنت قلقانه عليه بالمره بعدها طلع وهو شخص اخر اش جمال وش بياض ولابس اسود وشماغ ابيض كأنه عريس وقاعد ينطط ويلعب، واول ماشفته عرفته قلت ياولد انت عمر قال ايه قلت له. طلعوك برائه مارد مشغول يلعب، وما ارتحت لاني ماسمعت ببرائته حتى اسأل الناس الي كانوا معه مايردون، كنت فرحانه لانه واضح انو فرحان بس حاسه بقلق من مستقبله، اخر شي مسكته وقلت له ياعمر اذا تبغى تنجوا لاتنسى الله ياعمر اذا تبغي تنجوا استمر في الدعا وقمت وانا على ذا الحال، وللمعلوميه انا نمت وقتها وانا قلقانه اخاف انو عندي ورم سرطاني بصدري اليسار.