حلمت أني أقف في الفراغ

السلام عليكم، صح اني حلمت بهالشي من زمان من وانا صغيره الى ان تخرجت من الابتدائي وتكرر اكثر من خمس مرات وكان جدا جدا غريب مادري حتى اذا كان له تفسير او لا لاني بحثت بقوقل ومحد قد حلم فيه فقررت اني ارجع لحلوها، الحلم كالاتي حلمت اني كنت في مكان اقرب الى "الفراغ" لان كل شي كان ابيض ياليت كان فيه معالم او ابعاد جدار او شي يوحي اني بمكان محسوس فعليا لكن لا!، كنت بس الي احس فيه اني واقفه على أرضيه وكل شي ابيض على مد البصر لحد هنا كل شي طبيعي لكن الغريب فالموضوع انه كان فوق راسي شخابيط! كان زي الاشرطه القديمه حق المسجل لما يطلع الخيط الي فيه ويتشربك في بعض كان الي بالحلم نفسه بس كانك تشخبطين بقلم حبر اسود، المهم حلمت بهالشخابيط زي السحابه فوق راسي وضخمه وكانت مخيفه وتسببلي قلق وتوتر شديدين وتجيني قشعريرة وتشنج زي شعور لما تحك ملعقه حديد بصحن حديد شعور مرره خايس، باعيد الحلم بصوره ابسط