حلمت أني حول الحرم المكي

السلام عليكم حلمت اليوم اني حول الحرم المكي اذكر رحت لكاشير باشتري مدري وش وعطيته عمله حديد غريبه (احسبها ريال حديد). وثم بغيت اشتري شي ثاني وعطيت اللي برى عمله حديد نفسها بس يوم دخلها للجهاز طلعت تصرف كثير قال هذي وش هي قلت ريال حديد ثم قلت لا هذي عمله تسوى كثير مالها حد وهي قطعة حديد مثل الريال الحديد وجلست دقيقتين قال ما اقدر ارجعها لك الان بعدين تعال وقلت أجل نفس ذي القطعه عطيتها الكاشير اللي داخل ورحت له وأخذت منه القطعه بدقيقتين وقلت خذ حسابك ريال حديد قال ما يحتاج ورجعت للي قال تعال بعدين لأن هو بواجهة الناس وكلمته قال تعال بعدين الان صعبه قلت خلاص بجيك بعدين وقلت اصلا اللي معي تكفى وزياده بس بارجع اخذ العمله الغريبه يعني زيادة الخير خيرين ثم اتوقع صحيت وهذا حلم ثاني او تبعه الله اعلم حلمت اني حول الحرم المكي وابي اصلي الجمعه وفيه كذا مسجد حول الحرم وابي الحق على احد من المساجد لاكن صليت انا ومعي نايف اخوي بجنب بعض صلاة الفجر لأنها فايتتنا وصليناها فوق الرصيف طبيعي كان مو شي غريب بس قضاء كانت فكل واحد لحاله بس جنب بعض انا صليت ركعتين وخلصت بس هو تأخر في الركعتين او صلى اربع مدري يعني صلاة جمعه فأنا لقيت مسجد دخلته ولقيته يطول وجلست فيه شوي وصليت ركعتين سنه وتحية مسجد بس يطول وطلعت طبعا معي مسدس بمخبات ثوبي وخايف احد يجيه واذكر سوداني أشر على مخباتي وهو مفجوع كان الفرد طالع يعني المسدس يعني انتبه ثم طلعت من المسجد وأخذت لفه ورجعت له ولقيته كانو يصلون ما تأخر بالخطبه الثانية بس ماني متأكد بالحلم لاكن لقيت ناس يصلون كأنهم ماسمعوه يوم أقام مثلي وصفيت معهم وكان جنبي ولد اسمر وحنا خلصنا الركعه الأولى بقى الثانيه وضغط على زناد المسدس وأطلق علي وهو بمخباتي تحت بطني اطلق مكان البروستاتا وانا فعلا عندي مشاكل ب البروستاتا والمشفى بعد شهور قال التهاب غير بكتيري ويهز راسه الولد الصغير يعني احسن وطرت لورى شوي وطحت يعني انقطعت صلاتي وثم حاولت اطلع من المسجد وقاعد اقول بعدين اصليها خلني اتعالج الان بالأول.والقى سوداني يقول نعالك هنا وانا كنت قبل ادورهم مالقيتهم مدري كيف عرف مكانهم لاكن لقيت فرده وحده ومقطوع والثانيه ماحصلتها وفيه سيفتي شوز(الجزمات اللي من الحديد) جوا المسجد ثانيات لان المسجد كبير بس قلت بعدين اخذهم لان طلع قطرة دم على ثيابي يعني سطحي طلقة الرصاصه فقلت بالحق على المشفى لا يجيني شي وشكرا واسف على الاطاله اعزب موظف ٣٢ سنه ادور بنت الحلال وفيه ثنتين معروضات علي لاكن ما بدأت اتحرك.