حلمت بأنني أجد على الارض حلق ذهب

حلمت انى انا واختى فى مكان واسع ومتحوط بصور (المكان ده عندى فى المدينه اللى انا ساكنه فيها فى الحقيقه) ولكن فى الحلم كان فى تلال صغيره مش عاليه اوى اختى كانت ماشيه فوق التلال وانا ماشيه على الارض وماسكه ايد اختى وبعدين لقيت على الارض حلق ذهب 3 فرد ال 3 نفس الشكل فا اختى قالتلى خودى الحلق ده من الاثار الفرعونيه انا قولتلها ماينفعش اخده (عشان دى حاجه ملك الدوله) قالتلى اسمعى الكلام خوديه انتى ماتعرفيش ده هايغير حياتنا ازاى فأخدته كان متركب فى حاجه بلاستك لونها اسود طلعته منها مسكت فرده منهم فتحت القفل وقفلته تانى حلق تقيل فى الوزن وشكله فعلا قديم زى الاثار الفرعونيه وكان فى واحده ست معانا فى المكان قالتلى انا كمان هاخد وزى اللى بتهددنى قولتلها خودى وادتها فرده من ال3 فرد واخدت 2 وبعدين شوفت فى ايدى حلق تانى فردتين وكان ذهب ابيض او فضه وكله فصوص بيلمع وشكله جميل واخدته هو كمان متزوجه وليس لديا اطفال ..