حلمت أن أخي اشترى طيارة صغيرة

حلمت ان اخويا اشتري طياره صغيره مش كبيره تودينا مشاورينا وانا ركباها مع اختي واختي كانت عارفه تسوقها لكن انا خايفه جدا وانا ركباها في الهوا وبعدين امي فضلت تطمني وتقولي متخفيش خلصتو المشوار وكان مشوار صغير وبتهبط الطياره اهي وكنت خايفه امي تحسد الطياره في الحلم عشان كانت معجبه بيها بعد لما نزلت بنتكلم انا وامي واخويا علي الطريق لقينا حية تعبان متنكره كأنها لعبه بس مكنتش لعبه واكبر من حجمها علي الطريق اول لما شوفتها طلعت اجري جري جاااااامد اوي وابص ورايا الاقيها بتجري نحيتي واجري جامد وقطعت طريق طويل لحد ما لقيت كوبري لبلد صغيره قولت لنفسي مش هتعرف تعدي الكوبري دا دخلت من الكوبري لقيت بلد صغيره انا عرفاها وفيها صحبتي من زمان زميلة الدراسه لما روحتلها البيت كان بيتها كبير بس من غير سقف وكنت حاسه فيه بالسقعه فضلنا نتمرجح انا وهيا في سقف بيتهم شويه صغيرين وانا خايفه من علو المرجيحه واقولها متتمرجحيش اوي لحد ما نزلنا من المورجيحه وصاحبتي اسمها ياسمين كانت هيا متجوزه ف الحقيقه ومخلفه بنت فسالتها قالتلي لا سبته واحنا لسه مخطوبين واحنا بننزل من المرجيحه خبطت علي اليمين والشمال في اخواتها الصبيان واعتذرتلهم وكنت في الحلم سقعانه ولابسه حمالات وبنطلون ضيق وفي بيت ياسمين مكنش عندهم مايه كانو بيروحو يشتروها وكان عندها خضروات كانت عايزه تجبلي منها بس مكنش فيه عندهم مايه تغسلهالي وبعدين روحت بيت جدي لقيت بنت خالي كانها بتتخانق مع واحده بالكلام وبتسألها عملت ايه في جسمها عشان يبقا حلو والواحده دي مكنتش بتحبها فانا اللي روحت اسألها وانا رايحالها كنت بعرف امشي علي السقف والحيطه والعماويد بكل سهوله ولما سالتها اعتذرت ومرضتش تقولي بردو فرجعت البيت وانا خايفه من حد كان مع البنت دي هيجري ورايا وعماله انادي علي بنت خالي تقفل معايا الباب مجتش فانا قفلته بصعوبه شويه وقفلته جامد بالترابيس .. ارجو التفسير