حلمت أن ضرسي الثاني الذي على اليمين سوف يسقط

انا فتاه غير مرتبطه, قبل لا انام كنت توني متوضيه حلمت ان ضرس من اسنان الثايا واللي اهو اللي على اليمين يتحرك ويبي يطيح وانا كنت ما ابيه يطيح لان هالضرس اذا طاح ماراح يطلع ضرس ثاني مثله وكنت اقول ان ضرسي حلو ما ابيه يطيح بعدها كنت احاول كثر ما اقدر ما احركه عقب طاح احد ضرس الانياب واللي اهو اللي على اليمين وكنت اطالعه بالمنظره وخايفه ابلع بالغلط خذيته بايدي وكان نفس ضرس النمر حيل طويل وكنت اقول بالحلم ليش طاح حيل حلو وماطلع دم لمن طاح بعدها رحت حق اخوي الكبير وقلت له شوف ضرسي هذا راح يطيح وقاعد يتحرك جان يقولي لا مو قاعد يتحرك مسكت الضرس بايدي وقعدرت اوريه انه قاعد يتحرك جان يطيح قلت له شوف طاح جان يقول لا شوفي طلع لج واحد جديد لمن شفت ولا صج طلع لي جديد واحلى من قبل بعدها استانست لان طلع لي واحد احلى جان احرك الضرس اللي جمبه ضرس الثنايا اللي على اليسار جان يطيح ويطلع لي جديد واغلب اسناني الامامية قامت تطيح وتطلع لي اسنان جديدة وكل اللي طاحوا كنت ماسكتهم بايدي وطلع لي ضرس انياب جديد الحلم حيل غريب شنو تفسيره.