حلمت أن أمي توقظني لتريني نماذج لأقمشة وهو متضايقة

حلمت في الظهر كنت نايمة والوالدة جت صحتني من النوم توريني نماذج لأقمشة كنبات عشان بنغيرها وقلت لها هذي ماتنفع لازم نختار قماش مخمل المهم حسيتها متضايقة في شي حاصل وسألتها تقول كلمات غامضة وتشيح بنظرها عني كررت اسئلتي ابغى افهمها لأني في الواقع علاقتنا جدا ممتازة ومانخبي شي عن بعض مارضيت تقول وراحت .. أنا من العصبية كان جنبي جك قزاز اخذته وقعدت اكسره وافرغ غضبي فيه .. اللقطة الثانية من الحلم خرجت للصالة وكان اخويا شاب والوالد وشفتهم يتحدوا بعض يشوفوا مقاطع مقززة مو قلة حيا واباحية لا مقرفة مدري كيف اوصف .. المهم انا شفت شوية وبديت استفرغ ماقدرت اتحمل وسمعت ابويا يقول انتي ماتقدري تتحملي مسؤولية وتضايقت من كلامه .. في الواقع علاقتي مع ابويا جدا طيبة وقريبين من بعض كثير .. اللقطة الثالثة في الحلم امي قالت لي بقولك سر وحدة من صديقاتها القدامى عندها بنت عمرها ١٦ وتوفت ومحد يعرف عنها لأن صديقتها من بلاد الشام وبنتها من افريقيا سمراء وورتني صورتها قالت صديقتي وصتني ابحث عن الناس اللي بنتها كاتبة اساميهم في مذكرتها قبل لاتموت لأنها ماتقدر تسوي هالشي عشان ماتنفضح عند اهلها وشفت الاسماء مع امي وقلت لها كيف راح تلاقيهم وتعرفيهم قالت يابنتي انا انفذ وصية ميت ولازم اتحمل الصعاب اكيد في شياو لها او عليها حقوق ولا غيره انتهى .. عزباء ٢٩ سنة معلمة خصوصية ..