حلمت بشاب جميل وطويل ولكن رجله مقطوعة

عمري 23 و انا عزباء ، الحلم كان في اخر الليل ، حلمت بأني نتقلت على بيت جديد و اشتريت اغراض مستعملة ،و كان في متل جرار كبير او دولاب فيه اغراض ماعم بقدر اتذكر شو هيي بس كبيت مي سخنة جوا جرار و سمعت صوت شخص عم يصرخ انه هو احترق من المي، ما كنت خايفة ابدا فتحت الجرار لقيت قطعة قماش ملفوفة و متوسطة الحجم صرت اسأل شو هالصوت لقيت شخص عم يحكي معي و هو جوا هالقطعة الملفوفة، فكيت القماشة و طلع منها شب كتير طويل و كبير بس كانت رجله مقطوعة و ايده كمان، سالته ليش هيك حكالي من الحرب، بعد ثواني بلاقيه زبط حاله وكان كتير حلو و شب كبير جسمه كبير و طويل ولابس تياب بيضة ،بنطلع انا وياه مشان نروح على مكان بيحكيلي انتي بتروحي من طريق و انا من طريق و بس توصلي بتلاقيني عم استناكي لان ما بيصير يطلع قدام الناس، بتمنى حدا يفسرلي الحلم