حلمت أني في شركة كنت أشتغل فيها وأخبر شخص أني تركتها

السلام عليكم وصباح الخير رأيت اليوم اني كأني بشركة كنت اشتغل فيها قديما (انا موظف حكومي الان ومقدم على نقل سنوي) واذكر كنت اتكلم مع شخص مجهول واقوله اني طلعت من الشركة ورجعت لها الان وعرضو علي منصب عالي لاكن ما عطوني اياه لاكن الأمور تمام والراتب ممتاز (كأننا بالشركة لاكن مكان مجهول) ثم كأني رحت للمدينه المنوره او مكه مواعد خوي لي اسمه عبدالرحمن (من ٣ سنوات ما شفته وهو خوي قديم لي اصلا) وكأني قلت له اخر مره شفتك بمكه قبل ٣ أسابيع ثم دخلنا سيب (ممر ضيق يعني عرضه متر ونص او مترين) من زجاج وكأن طير قدامي طايح على وجهه مدري وشو (ممكن غراب طوله ذراع) بوجهه اذا ماني غلطان دم وكنت انا وعبدالرحمن مبسوطين لبعض جدا وكأننا مشتاقين لبعض ونمشي بذا الممر وطار الغراب وتعلق او عض عبدالرحمن من ورى بين رقبته وكتفه وجيت انا ظربت الغراب او دفيت عبدالرحمن عشان اطيح الغراب وطاح الغراب ثم دقيقه َوطار الغراب تعلق فيني من ورى او عضني بين الرقبه والكتف وحسيت بألم ونزلت (انبطحت) على الأرض عشان يوخره عبدالرحمن عني كأني معد اقدر احرك يديني من مسكته وصحيت فورا من النوم يوم انبطحت بألم العضه او مسكته لي في رقبتي ذكر/اعزب / ٣٢ سنه/ على رقيه شرعيه /موظف /مقدم على نقل لمدينه ثانيه ويعطيكم العافية