حلمت أني مع أمي ليلاً في الحديقة

حلمت ان رحت مع امي للحديقة في الليل وكنت لابسة عباية ونقاب وامشي بجنبها و هي جلست في مكان وانا ماجلست معها طلعت بره الحديقة وشلت العباية والنقاب وكنت امشي بملابس البيت في الشارع وماغطيت شعري ولما كنت اتمشى نادتني بنت بإسمي التفت وشفت بنت سوداء مستترة تلبس عباءة ونقاب وحسيت اني اعرفها وبنت بلدي وقالت لي خذي حلق الأذن حق امك طايح على الارض وشفت تحتي حلق دائري لونه كحلي غامق وجميل واخذته والبنت كلامها كثير وانا ماكنت أسمعها كنت افكر وخايفة على سمعتي لانها بتتكلم عند معارفي لأني طلعت بدون ستر بعدين رجعت للحديقة وامي معي شافتني كذا وماعلقت ولما دخلت كان دور الحريم خلص وجاء دور الرجال كنا انا وامي بس بينهم وصرخت وقالت : بسم الله بسم الله وصوتها كان عالي كلهم طالعوا فينا وواحد رد عليها وقال : بسم الله طلعنا بره واحنا واقفين على الدرج القصير ( مدخل الحديقة ) جاء واحد سمين وطويل وصوته اجش جاب كرتون مشروبات غازية منوعة وكرتون ثاني شبه مليان ناقصه 5 او 6 حبات وعطى امي ويسالها يقول : هذي بنتك ويناظر فيني وسألها ثاني مرة هذي بنتك وامي ماردت وتاتات في النطق وهو قال أجل بكرة ( يقصد الزواج ) وقال لأمي : انا جبته بمجهودي قصده على المشروبات الغازية لانها ثقيلة مرة وراح لاصحابه وقفل الباب وبعدين باب الحديقة كان مسكر وفتحه من جوا رجال اسود يكلمني بلغة غريبة انا مافهمت ولا كلمة مارديت عليه ومشيت واحنا نمشي بالشارع امي قالت لي ادخلي هذا البيت وزوري صديقتك واتونسي مع انه مااعرف أهل البيت هذا وشوي وجت طفلة بيضاء ودخلت البيت بعد خروجها من الحديقة وانا اناظرها وبعدين رجعنا لمدخل الحديقة مرة ثانية وكان فيه سطل معدني فيه اكل لنا من الرجال اللي جوا الحديقة لكن الرجال الأسود ماناولنا وانا تضايقت وقلت بصوت عالي : وين الاكل قلتها مرتين وامي قالتلي اهدي بيعطونا الرجال الأسود تغير كلامه وتكلم باللغة االعربية وكلام صح وقال انا ارتاح الحين بعدين اعطيك وجواله بيده مشغول فيه وامي راحت وانا كنت جالسة على الدرج مع هذا الرجال وبنت سوداء مجهولة جالسة جانبي وانا انتظر هذا الرجال متى يعطيني السطل اللي فيهة الاكل ، مع العلم الحديقة هذه مسكرة بسبب كورونا وقريبة من بيتنا : البيانات انا غير متزوجة عمري 25 ماكملت دراسة بسبب ظروف اجتماعية (رايت هذا الحلم ساعة 7 صباحا )