حلمت أني سأجري عملية في مكان مجهول يشبه معهدي

وقت المنام الساعة ٢ فجرا، أنا مطلقة ٢٧ سنة رأيت اني في مكان مجهول أشبه بالمعهد اللي كنت بدرس فيه وفيه فصول والسبورات القديمة اللي لونها أخضر والطباشير بس انا ما دخلت الفصول وكانت فاضية ، وكنا في الدور التاني تقريبا وكنت لابسة لبس الدراسة الاسدال الكحلي والنقاب الكحلي وكمان كنت منزلة البيشة على عيوني، بس المدرسين كانوا قليلين اوي واللي موجود انا عارفه كانوا بيعطوني في المعهد، وفي مدرس منهم سلم على زميلتي، وعرفها، وانا سلمت عليه لكن ما عرفنيش ولقيت واحدة زميلة ليا معايا، وكنت بقول لها تعالى اوريك الفصل اللي كنا فيه وبعدما كنت عارفاه كويس تهت عنه، بس قلت لها بتهيالي هو ده،( زميلتي دي متزوجة من ايام الدراسة فعلا، بس دلوقت انا ماعرفش عنها حاجة) كانت بتقولي انا لسا لغاية الآن ما حملت، قلت لها ما كشفتيش ليه قالت لي ظهري بيوجعني وهيعملوا لي عملية، قلت لها تعالى بس احكي لي، واوعاك تعملي عملية، وخرجنا من المعهد وانا ماسكة ايدها، ويقول لها تعالى بس نتكلم شوية،ووقفنا على جنب الطريق، وكان الطريق على مفارق يعني مفروق طريقين، أخذنا الناحية اليمين وبتهيالي كنت بقولها تقرأ سورة البقرة مش فاكرة بالضبط، عشان كنت عاوزة احكي لها عن تجربة العملية اللي مريت بها وندمت اني عملتها