حلمت أني مع أهل زوجي في الشاليه ودخل علينا والد زوجي

السلام عليكم ورحمه الله حلمت اني مع حمولتي بششاليه انا وحماتي وعمتي ام زوجي علينا نقابات ولافات واشوف جالسين نتغدا وقالت اخت زوجي (لي)بنتك عضتني شوفي عضتها ب اصبعي قلت لا مستحيل بنتي ماتعض كذا ماتعرف قالت حماتي الا تعض واشوف العضه واقول لا مو بنتي لا لا (مو مصدقه واحسهم يكذبون علي)و خلصت من الغدا وقمت شلت الاكًواب للمطبخ وعلى طلعتي الا باب المدخل انفتح والا ابو زوجي (الله يرحمه)قدامي ويقول لي هلا ب الغاليه ياهلا ومعه شناطه اشوفه توه جاي وهو يضمني ضمه قويه ووجه مرتب ولحيته محدده وابيض وثوبه ناصع البياض حيل ابيض وطويلللل مرا مرا وريحته بعد حلوه ولما ضمني همس ب اذني راح تجيك هديه راح تجيك هديتك فلوس وقال كلمه ثانيه مادري وش ناسيتها وانا خفت مرا خفت ولا تكلمت بكلمه وعلى طول دخلت داخل وانتهى الحلم