حلمت أني أنتظر خارج مستشفى ورأيت صديقتي مع قريبتها

السلام عليكم حلمي مقسم جزئين في البدايه حلمت اني مستلقيه على سريري وانه في جن فات عغرفتي وانا ثقل جسمي وبطلت اقدر اتحرك وصرت اقرأ قرأن بصوت عالي رغم صعوبة حركة الفم وفعلاً صحين من النوم جسمي ثقيل وكنت اقرا بقران بصوت عالي لا اذكر هي سورة الاخلاص او اية الكرسي ورجعت كملت نومي وبعد اذان الفجر حلمت اني في مستشفى انتظر خارجه وانه صاحبتي جايبه قريبه الها عكرسي متحرك للعلاج وكانت برضو صديقه قديمه الي قاعده على كرسي تنتظر بالحقيقه هي متحجبه لكن بالحلم كانت تلبس بنطلون وقميص وبدون غطاء عالراس بهدها حكتلي انا قولتلك شو علاجك لازم اقعد معك نحكي حكيتلها ماشي وقمت في درج بسند على مطعم قال سند وكان المطعم وسيع وفيه ناس وكان لازم صديقتي تلحقني لكن ملحقتنيش وانا صرت افتش على طاوله تكون بعيده عن الناس لاني خايفه يكون حدا مريض كورونا ويعديني كانت طاوله قريبه على الشباك اخذت كرسي وقعدت جنب الشباك كان تلفون للمطعم من التلفونات السوداء القديمه اتصلت لصديقتي اسئلها وينك بستنى فيك حكتلي انه هي بالبيت روحت اتحممت وعند الاولاد مش رح تيجي بهدها اجى الجرسون حكيتله انه رح اتصل احجز للمغرب لانه صديقتي تاخرت واخذت جاكيتي وشنطتي عن كرسي على الطاوله ونزلت مرقت من دكان اكسسوارات الها باب بيطلع عالشارع خارج المشفى وكان معمول من الفضه وكان كثيييير لونه براق وبيعكس صورة الواحد كانه مراي طلعت من الباب قريبتها لصديقتي بتقولي خلصت وبستنى فيها تيجي تاخذني عالبيت بعدها شفت حالي عالطاوله ببيتنا وكانت صاحبتي جاي تاخذ عمتها من المشفى وقعدنا على الطاوله نحكي وقالتلي المعلم فلان معجب فيك وماله ليه ما تاخذيه بالحقيقه هو معلم قديم الي وكبير بالسن بعدها فات واحد من بلدنا اسمه محمد وسمعنا بنحكي فحكالي على فكره الي لقيتيه وسئلتيني عنه طلع مثل ما شكيتي (بلحلم كان واصلني شقفة الاسفنج الي بتنوضع داخل الحذاء الرياضي الحذاء ابيض والشقفه لونها ابيض وانه شاكه انها حجاب لمنع الزواج) وانا لما سمعته هي حكالي صرت ابكي واقول طب ليه ومين الي عمله وانا شو عامله فيه (بالحقيقه انا مطلقه وقبل فتره انخطبت وفجأه انفسخت الخطوبه رغم انه احنا حبينا بعض بس ليش هيك صار لا نعلم انا )