حلمت أني أمشي في مكان غريب ومع شخص يحاول أن يعتدي علي

حلمت اني قمت من نوم وانا خايف جدا واشعر بالم شديد لانني لم استطع النوم وكلما حاولت النوم اشعر بشخص يخنقني بشده ثم افتح عيوني ثم كلما حاولت ان انام يظهر هذا الشخص ويخنقني فقلت يجب ان اخرج من الغرفه وان انام مع اهلي ولكني نمت اخيرا ولما نمت حلمت اني امشي في مكان غريب ومع شخص غريب كان معي يمشي وكاننا بنروح لمكان غريب وسنعمل شي غريب ولاادري ما هو ثم فجاة بشخص كانه يعتدي علي ويحاول ان يخنقني استيقظت ففرحت جدا اني استيقظت اخيرا من الحلم المزعج وجدت اخواني وامي وبعض خالاتي موجودات فاستغربت مره لوجودهم فقلت الحمدلله اني استيقضت بعد نوم متعب جدا لكن تفاجات اني متعب وكاني خرجت من المستشفى فعلمني اخوي اني كنت في المستشفى وكنت بموت هناك وكانو خلاص اعلنو العزاء لولا فضل الله وقلت له علمني وش الي صار وصار لي كم يوم وانا على هالحال؟ فناظرني بنظره غريبه وقال ان حتى دوامك راح وابوي يدور لك على وظيفه ولقى لك شي زين فقلت له انت تستهبل علمني وش السالفة وكل من قلت له من اخواني او امي تهرب من الاجابة وامي كانت تطمني بس ثم قالت لي اني كنت عند خالتي شهرين وعند ما اذكر من ايضا شهرين وانا مندهش جدا واقول وش السااالفة ليش انا كذا وقلت وين ابوي قالو هذا ابوك بيجي الان يوم شفت ابوي حضنته حضن شديد جدا وانا ابكي بكاء شديد واقول تكفى علمني وش السالفةاو اني قلت له اني مظلوم وهو ساكت واول مره احس بدفئ حضن ابوي الدافي الي خفف من قلقي الشديد ثم فجاة قلت لاخوي تكفى قل لي وش السالفة قال لي سالفتك مهي زينه ومخجله قلت له ليه وش سويت قال اني بغيت اموت لاني انحشت من الشرطة لمدة اربع ساعات وصدمنا الشرطي ووقفنا بالقوة لكني انا رحت للمستشفى قلت له وش قاعد تقول انت! وكم لي هنا؟ قال لي لك سته اشهر وانا قلت له انت مصدق !! اقسم بالله ما اذكر شي من هذا وليش الشرطة تمسكني وش سويت قالي اني كنت اسرق اجهزه بلايستيشن خمسه قلت له وليش اسرقه انا عندي واحد الان ولا احتاج فلوس عشان اسرق وكانه ما صدقني وقالي اني انا متفق مع واحد اسرق معه ونروح نبيعها لصاحب محل وكنت اكسب فلوس . قلت له والله هذا الكلام مهو صحيح والحمدلله انا ما احتاج اسرق ورحت لامي وقلت لها والله هذا الكلام مهو صحيح وانا مظلوم والله مظلوم وكان امي ما صدقتني وتقول لي سالفتك يمكن انها صحيحه فحسيت بالم يعتصر قلبي ان اخواني وامي وانا اقول لهم اني مظلوم ومستحيل اسرق وتذكرت كلامي اني ما احكم على الناس وكنت بقول ورحت قلت لامي تكفين تاكدي ثم دخلو خالاتي واقربائي يتحمدون لي بالسلامه وشكرتهم وانا حزين جدي على وضعي واجتمعو عندي اهلي وقلت لهم اني مظلوم و علموني بالضبط وش الي صار؟ انتم تمثلون علي وهم يناظروني نظرة عتب واشفاق فقلت وقمت الاحق امي احاول اقنعها ببرائتي وشفت اختي الصغيرة تقول لي اني لي تسعه شهور مغمى علي فقلت لها معقول تسعه شهور وامي واخوي يقولون سته شهور يعني هم يلعبون علي وش الساااااالفة وانا ابكي بكاء شديد من الالم ان حتى اقرب الناس لي ماصدقوني ومتاكدين اني مذنب فقلت لهم كم الساعة والتاريخ عشان اتاكد اذا انتم تلعبون علي او لا ثم اخذت جوالي وشفت الوقت وحده وسبع وثلاثين دقيقه في الليل ثم قلت لهم طيب وروني الي انا كنت معه منهو ؟ فكان امي بدت تصدقني وقالت خل نمشي للمستشفى نتاكد فحسيت بشعور الخوف والفرح لاني تذكرت حلمي الي حلمته وقلت لايكون هذا صدق مهو حلم واني عقب الحادث نسيت وش صار معي فرحنا للمستشفى واول ما دخلت المستشفى شفت الي شفته في الحلم شخص غريب فقلت لامي هذا هو ؟ قالت امي ايه قالت له واشرت علي هو هذا الشخص الي كان معك؟ قال لها لا مو هذا وهو كانه متاكد وقال انا متاكد انه مو هو خل نرقى فوق نتاكد وشفت الممرضات والممرضين يستقبلوننا في الدرج ووجيهم تفتح النفس وقالو لنا ارقو فوق بتعرفون الحقيقه وحنا نرقى فوق قمت من حلمي وحسيت بفرح ان كل الي شفته كان حلم والحمدلله وناظرت الوقت طلع بالضبط تقريبا وحده وسبع وثلاثين دقيقه في الليله. انا شاب ٣٣ سنه اعزب وشعوري عند استيقاظي من النوم الحزن الشديد ومتفاجئ!! اعتذر عن اللهجة العامية وان شاء الله تفهمون علي