حلمت أن أستاذي معزوم في بيتنا وكان يضحك مع أبي وخالي

أنا فتاه عذباء كنت باخد درس عند استاذ معين والمدرس ده اتعرفت عليه و كلمني على الواتس المهم كان كلام عادي جدا وعرفني على أهله هو شاب لسه المهم بعدها ما عدتش بكلمه خالص لاني عرفت ان كده حرام حتى لو الكلام عادي ف بعدها بفتره حلمت انه في بيتنا بدا اول حاجه كان في غرفة الجلوس بيديني درس انا واختي وبعدها بقى قاعد في غرفتي انا بس كان قاعد مع بابا وخالو وكان عمال يقول نكت لخالو وخالو يضحك وكانوا بيضحكوا المهم كان كأنه معزوم على الغدا عندنا وانا سألت اختي يا اما امي مش فاكره هو الأستاذ بيعمل ايه جوا قالتلي بيتأمل في العربيه البيضه اللي واقفه قدام البيت المهم فجأه لقيت ارض البيت بيخرج منه ماء روحت لخالو اقوله يقفل الماء ما لقيتوش ف قولت لبابا وفعلا عمل حاجه خلي الميه تبطل تخرج من الأرض المهم بعدها دخلت البلكونه لقيت سجاده حمراء عليها نقش حلو وكنت واقفه عليها ف مسكتها لقيتها اتبلت قولت لاختي مش مشكله نبقى نطلعها في الشمس بعدين وماطلعناهاش بعدها بصيت في المرايه لقيت نفسي لابسه حلق كبير اوي وفيه شغل كتير وكان في أيدي حلق تاني صغير بس شكله جميل جدااا وعاجبني عن اللي في ودني وبعديها صعب على أن اللي في ودني أغلى من اللي في أيدي ف قولت هبقي ابيعه واجيب اتنين من الصغير بس انا لا بعته ولا قلعته ولا بدلته ممكن التفسير في أسرع وقت