حلمت أني في بيت جدي المتوفي مع أمي نجلس في الصالة

 حلمت اني في بيت جدي الله يرحمه (كان بالنسبة لي المكان اللي فيه الامان كله وكان بيت قديم وهو اتهدم من سنين طويله) ومعايا ماما الله يرحمها وقاعدين في الصاله وفاتحين باب الشقة وجت واحده لابسه جلابيه (جلباب) سوداء وخمار اسود وحطت قنبله علي باب الشقة ولقيت ماما بتقولي دي جت (الست اللي لابسه اسود) حطت قنبلة علي الباب بس الحمد لله اخدتها الساعه ٦ وبعدها لقينا الست دي بتكنس تراب ادام باب الشقة ومشيت وجت عندنا الفنانة ريم البارودي وماما حكتلها اللي حصل وقالتلها كان في ست جت حطت قنبله وشالتها ف ريم قالتلها طيب الحمد لله ف ماما رجعت قالت لريم دي كانت بتكنس ف ريم اتخضت وقالتلها كانت بتكنس!! ولقيت ريم جريت برا الشقه مش عارفه هي رايحة فين انا ليا شقة ملكي وتركتها من ٤ شهور ومش عارفه لغاية الآن اروح اتطمن علي الشقة هل الحلم بخصوص الشقة؟؟ لاني قلقانة مرجعهاش وهي ملكي ويكون عليها مشاكل الله يكرمك طمنيني انا في قلق شديد عليها انا عزباء واعمل وعندي مشاكل بالشغل وعندي مشاكل مع والدي