حلمت أن أختي أعطتني سيارة زوجها وكنت أقود وأنا أبكي

السلام عليكم حلمت ان اختي المتزوجه عطتني سيارة زوجها حق استخدمها عشان وقتها ماكان عندي سياره وطبعا سابقا كانت سيارة والدي ما اتذكر البدايه بالضبط بس كنت طالعه بالسياره وكنت وايد متضايقه ومعصبه و اصيح (ابكي) ولما رجعت البيت دخلت السياره القراج اللي موجود نفس الطريقه المعتاده اللي لما كان عندي سياره وانا معصبه او متضايقه ابركن السياره ان ادوس بترول لين ادخلها القراج المهم ان فالواقع القراج مقفل من ثلاث جهات بالاضافه الى السقف بس مفتوح من جهه وحده لكن فالحلم كان يوجد بابين لاغلاق القراج بشكل تام و اول ما طلعت من السياره امشي باتجاه البيت اختي اللي ترتيبها الثاني كانت في قمة اعصابها اقرب الى الجنون اقدر اوصف المشهد كانت تحذف علي كل شي جدامها فالشارع بدون تفكير من حجاره وغيره وكانت تقول ادري انتي كسرتي منظرة سيارتي وانا منصدمه منها وحلفت لها بغلاة امي وابوي مب انا و دفنة امي وابوي مب انا وماكانت تصدق ف اضطريت احلف لها ب راس اليهال وكانها اقتنعت بس ماصدقت كانت مواصله تحذف علي بقوه وبعد كانت متصله في عامل صيانه يجيك لها المنظره وحتى العامل ماسلم منها كانت تحذف عليه نفسي وهو ما له علاقه و لي ما دخلت حوش البيت (فناء البيت الامامي) واهيا تحذف علي حصى بس كان فالحلم مضايقني ان انا اساسا ماكنت استحمل شي ومتضايقه واهيا زادت علي تتبلى علي ان كسرت منظرتها طبعا لو سيارة زوج اختي اللي كانت سابقا سيارة ابوي لونها ابيض و سيارة اختي بعد لونها ابيض و منظرتها اللي مكسوره على الجانب اليسار مكان قائد السياره اعتذر على الاطاله وشكرا