حلمت أني كنت فى منزل قديم وضوء خفيف

حلمت بأننى كنت فى منزل قديم وضوء خفيف ونايم على حاجة ،وانا حاولت اردد بعض ايات القران من الخوف من المكان المظلم وانا حاسس انى متكتف ،وبعد ذلك ظهر ضباب او ظل على هيئة واحدة تتحرك ببطىء وكأنها طايرة وشعرها يتطاير وكانت مارة بجوارى ولما سمعتنى بحاول اقرأ قران قالت لسة فيه طاقة ،وهذه الجملة الوحيدة الى قالتها فى الحلم ،وبعد ذلك لقيت نفسى قدام ستارة وبعدها ضباب الست وباب زجاج يظهر منه نور جاى من خارج المنزل زى متقول ضوء النهار وهى واقفة قدام الباب عمالة تتحرك ،وانا واقف وحاسس انى متكتف بردوا وبحاول اردد ايات والصوت سامعه بالعافية ،وبعد ذلك زى ميكون حد قرب من ناحية الباب من الخارج فابتعدت هذه الروح او الضباب وبدأ صوتى يظهر وانا استغيث ،وصحيت مفزوع واخى يطبطب عليا ويقولى فى حاجة وجعاك بقوله لا فى ايه قالى عمال تقول اه اه اه كأنك تتألم