حلمت أني أتفق مع أحدهم على دفن أخي حي

حلمت حلم ل اخويا بس قبل ما احكي الحلم اكيد مش احنا الي ممكن نعمل كدا لأننا بفضل الله تعالى في ترابط اخوي وحب وود لا يوصف لاحد ربنا يديمه علينا واخويا دا بالذات كل واحد فينا بيحبه اكتر حد الحلم هو اننا كلنا اتفقنا مع بعض اننا ندفن اخويا دا وهو حي وفعلا جبنا صندوق وحطناه في الصندوق وقفلنا عليه وبعد كدا جدتي ام ابويا هيا جات خرجته بس كلنا سألنا بعض ازاي نعمل كدا فيه بس وضعناه تاني وبعدين انا عيط وصرخت وقلتلهم ازاي نعمل كدا وبالذات في اخويا ده وبعد كدا صحيت من النوم واستغفر ربنا وقرات قرآن ورجعت نمت تاني بس وكملت نفس الحلم جات والدتي وخرجت اخويا من الصندوق وبعدين صحيت تاني وبردو استغفرت ربنا وقران ورجعت نمت تاني وبرده هو نفس الحلم بيكمل معايا بس المرادي بعد ما امي خرجته بعد 3 ايام كان خارج من الصندوق وشكله لايوصف الجسم ازرق ومنحني رجلين وادين ومش قادر يوقف وجلده في مناطق بتقشر وكان منظره صعب جدا ومش قادره انسى المنظر وكل ماافتكر اعيط وازعل لدرجه اني صدقت الحلم وكنت خايفه حد فينا يكون عمل فيه كدا وكنت هرن عليه الصبح بس خفت يقلق وخايفه احكيله الحلم هو يخاف مننا ويتاثر بيه وكان وقت الحلم كتير لحد الصبح 5 ونصف تقريبا بس صحيت 3مرات من النوم وارجع اكمل كأنه مسلسل بتفرج عليه