حلمت أني أغسل حماتي المتوفية وأكفنها

حلمت اني وعمتي وتكون حماتي وهي متوفيه الله يرحمها توفت بالحلم فقمنا بتغسيلها وتكفينها وكنت أكثر وحدة قريبة عليها وبس خلصنا كنا بدنا نحطها انا والنسوان بشئ مثل النعش او مثل كوتة الطفل هيك تقريبا فكان عليها وسخ مثل أوراق الشجر فصرت ازيح انا الوسخ عشان نحطها وكنت احكي الله أكبر الله أكبر الله أكبر كنت أكبر وأدعي اللهم يسر حسابها واحنا بنحكي هيك فإيدها اليسار فلتت باتجاهي وخبطتني ايدها فانا بحكي للنسوان فوحده منهم بتحكي بما انها راحت عجهتك فانت اول وحدة راح تلحقيها من عائلتها فأنا حكيت لها العمر واحد وعادي يعني فأنا ما اهتميت فيها وقلت لهم عادي كلنا لهذا الحال عاجلا أم اجلا ثم صرنا بدنا نحطها عمتي المتوفاه باتجاه القبلة لكن انا بالطبيعة يعني ما كنت عارفة كيف بدنا نوجهها اتجاه القبلة هل نوجه رأسها أم قدميها فسألتني واحدة من بنات عم زوجي(ابن المتوفاه) ليش ما بتعرفي اتجاه القبلة فقلت لها لا انا بعرف هاي القبلة من هون بس كيف بدنا نحط الميت ما بعرف، بعدين حطيناها باتجاه القبلة وكان في زبديتين جنب رأسها فيهم منقوع لبان الذكر، على اساس استخدمنا في تطهيرها او حممناها فيه ما بعرف بالضبط، في مرأة حطت يدها بالزبديات وصارت تشرب بكف يدها من الزبديات وصارت تحكي يا الله سبحان الله شو إنه زي هذا مثل المسك منقوع لبان الذكر مع انه انا بعرف بالطبيعة انه مر المهم وهي تشرب طرطشت على وجه عمتي الله يرحمها فعمتي تضايقت فلفت وجهها عجهة اليمين وفتحت عيونها بعدين صحيت وجسمها رجف رجفة كبيرة فحكت عمتي يا الله تحتي مي مليتوني مي مليتوني مي وقامت فانا صرت هيك اصرخ مبسوطة و صرت اعلي بصوتي وأحكي عمتي طلعت مش ميتة طلعت مش ميتة فالكل انبسط فأنا اخدتها من الغرفة اللي كنا فيها انا والنسوان وبدي اطلعها عالغرفة اللي فيها زوجي عشان أقول له امك طلعت مش ميتة بدي ابسطه، لكنها تحولت الى طفل ما بعرفه ما شفته قبل هيك فلما وصلت انا وزوجي فحكيتله هذا الطفل طلع مش ميت اه هو عايش بس كان تشخيص الأطباء غلط بس