حلمت أني بمكان بأرض خضراء

انا بنت عزباء ، حلمت أني بمكان بأرض خضراء كلها زرع و بعيد عني كذا ع اطرافها اشجار جميله و كان في مجموعات من الناس و كانو شوي بعيدين عني ما اعرفهم بس كلنا كنا مبسوطين بالمكان الي احنا فيه و كان معايا اخويا الكبير واقف ورايا و كان ماسكني من كتفي او ظهري وكان يكلمني و مره فرحان اننا موجودين بهالمكان قمت طالعت بالسما و في غيوم جميله مره و كان بإمكاني النظر للشمس بدون ما تعورني عيني عكس كل الموجودين هناك فصارو يتعجبوا كيف تقدري تطالعي بشمس كذا حتى اخويا كان مصدوم و كان يقولي ي حظك كيف تقدري تطالعي فيها كذا !!؟ وانا اطالع فيها و اقول ليش هما ما يقدروا يطالعوا اشبهم المهم انو كنت انا و اخويا و كل الي هناك جداً مبسوطين من المكان الي احنا فيه ، فيه راحه نفسيه و جمال لا يوصف . تكفى افيدوني ...