حلمت بوالدي المتوفي انه بمظهر حسن

السلام عليكم و رحمة الله اول شي قبل يومين اختي حلمت بوالدي المتوفي من سنة و نص و كان بمظهر حسن و بصحة جت تسلم عليه بالحلم ما رضى يسلم عليها قال أنا زعلان منكم كذا نسيتوني و قالت له خواتي (ثنتين)على الدرج مشتاقين لك بيسلمو عليك ما رضى و راح . اليوم الظهر نمت و حلمت بابوي كنت في بيت عمي أنا و أبوي واثنين من اعمامي واحد منهم متوفي من ثمان سنين و واحد عايش بس علاقتنا فيه رسمية يعني نشوفه بالمناسبات و الأعياد بس،كلهم كانو لابسين أثواب بيضاء و عمي الي عايش بالحقيقة رجله مبتورة بس بالحلم كانت موجودة ، دخلت المجلس و شفت أبوي و أنا بالحلم كنت عارفه انه أبوي ميت و كنت عارفه انه اختي حلمانه فيه انه زعلان مني و خواتي فلما شفته خفت شوي انه كيف ميت و اشوفه قدامي الحين فساعتها عرفت أني قاعده احلم وتشنجت ما قدرت اروح عنده بعدين أبوي سوالي حركة بيده مثل تعالي و ابتسم فقدرت أتحرك ساعتها و رحت عنده قالي بقولك أنا ليش زعلان منكم وانا صرت أقول يارب ما اصحى قبل ما اعرف ليش زعلان لأَنِّي عارفه انه حلم و لازم اسحب منه كلام .. بعدين حط يده قريب أذني و قرب يعني مثل بيقولي سر عشان الي جالسين بالمجلس ما يسمعون .. قالي: " بتلاقي ساعة فوق الجوازين الي كنّا نكتب فيهم أسامي اما الشعراء او الشهداء " بالحلم ما سمعت الكلمة كويس بس كانت وحدة من الثنتين يا شعراء او شهداء ( الي فهمته بالحلم انه الجوازات قصد فيهم جوازات السفر) بعديها صحيت من الحلم .