حلمت بجلوسي داخل مستشفى

حلمت انو كنت قاعدة بغرفة يمكن بمستشفى مع وحدة مابعرفها فنادتني زميلتي من برا الغرفة واسمها مديحة فلما نادتني مارديت عليها فلما مارديت ردت نادتني فلما لقتني كمان مارديت دخلت لعندي عالغرفة قالتلي انا عطيت زوجي 14حبة دوا قلتلها حرام عليكي بتموتيه قلتلها انا عطيت جوزي حبة وحدة وكان حيموت فاشلون انتي عاطيتيه 14 فيلي قاعدة معي بالغرفة سألتني كم حبة دوا عطت زوجها قلتلها 13 فقالتلي مديحة لا 14 عطيتو قلتلها 13 ردت اكدت وقالتلي لا 14 .... انتهى الحلم مع العلم في الواقع انو مديحة هيي زميلتي من ايام الدراسة وماعاد شفتها من زمان وبالنسبة لحبوب الدوا يلي قالتلي عليها بالمنام ماذكرت شو هيي حبوب الدوا او لشو هالحبوب يلي اعطتهم لزوجها بالمنام بتمنى تفسرولي حلمي لأنو شاغل بالي شفت الحلم برمضان صليت الضحى ودعيت لزوجي الله يرفع عنو البلاء وشفت المنام قالولي الرقم 14 محمود وحصول مراد وفرج بعد شدة