حلمت بعساكر بأيديهم اسلحه

حلمت أني كنت بتمشى فبدخل على منطقة بيقلولي ممنوع تدخليها هي المنطقة فيها عساكر من الجيش فبجي لأرجع بيقلولي خلص سمحولك تدخلي فبدخل من الباب بلاقي كلها عساكر بإديهون اسلحة كل واحد حامل سلاح فما بقدر امشي بينهون من خوفي من الاسلحة يعني الاسلحة يلي بإيديهون مسكرة عليي الطريق فابخاف وابوقف فلما بشوفوني خفت او وقفت ببعدو الأسلحة لحتى اقدر عدي بينهون فبمشي وبدخل بممر مثل الحارة بس كلو دهان ابيض بلاقي فيه محل شنط ألوان وأشكال كبيرة واصغيرة او وسط وجزادين شنط كتير فابلاقي شنطة سودا جديدة كتير حلوة وابتلمع حجمها وسط وعليها شعار شركة آبل يلي هيي التفاحة شعار شركة آبل بارز عالشنطة وابلاقي نفس الشنطة بس لونها ذهبي فابقول الذهبي كمان حلوة بس السودا احلى بتجنن وعم تلمع فبحملها عكتفي وبمشي فيها وابجربها على كتفي وإيدي وابقول سعرها مو غالي بس 400 ريال فباخدها فبلتفت لورايي بلاقي باب غرفة مواجه باب محل الشنط بلاقي بالغرفة ماما واختي سارة بناظروني وساكتين فابقول اكيد شافوني وانا عم جربها واشتريها هدول شو جابهون لهون