حلمت أنني ذهبت لبيت طليقي لأكلمه ولم أجده

حلمت بطليقي إني رحت على بيته عند أهله عشان أحكي معه، وما لقيته، بعدين روحت عالبيت. بعدين إجى هو وأهله ومعهم ناس كتير طلبة أو جاهة على البيت اللي أنا فيه رغم إنه مش بيتي الحقيقي لكن في الحلم كان بيتي. وإجوا وتفاجأت إنهم جايين يطلبوا بنت ما بعرفها، وكنت انا قاعدة في الطابق اللي تحت في غرفة، وحكولي ناس انه لازم اطلع من الغرفة عشان جاي مع الجاهة نسوان وبدهم غرفة للنسوان، فطلعت من الغرفة، وانا طالعة من باب الغرفة شفت امي داخلة وعيونها مدمعين لأنها سلمت على والدة طليقي وتأثرت. طلعت من الغرفة انا ومرقت من بين الرجال وحكيت السلام عليكم وطلعت على الدرج على الطابق التاني بس كنت عم بتطلع على اللي بصير. والنسوان دخلوا على الغرفة اللي أنا كنت فيها. البيت انا ما بعرفه من قبل، لكن حسب الحلم المفروض هو بيت اهلي.