حلمت أني أبحث عن ملابس لابنتي الصغيرة

حلمت حلم مؤلف من مقطعين الحلم الأول :اني بكون بمول انا وبنتي الصغيرة وابروح بدورلها على ملابس فبدخل على محل صغير بلاقي قسم صغير لملابس الاطفال صغير جدا وابقول بس هدول الملابس يلي بالمحل بكون فيه قسم للمكياج والكماليات بالمحل وقسم ملابس اطفال بس مافيه كتير ملابس بس كم قطعة فابدور بالمحل من الجهتين ﻷتأكد اذا فيه قسم تاني للملابس المهم ما بلاقي قسم تاني بقول بنفسي بس هاد القسم للملابس بس فيه هدول ؟ فبطلع من المحل وبنزل عالدرج يلي بالمول بكون الدرج لونو احمر واسود وبين الدرجة والدرجة مفتوح لتحت ديكور فبنزل انا وبنتي اللصغيرة يلي بدورلها على ملابس ونحن بننزل بتنزل رجلي ورجل بنتي بالفتحة وابتوقع رجل بنتي بين الفتحات تبع الدرج فبمسك ايد بنتي وهيي قاعدة عالدرج وبسحبها من بين الفتحات وابنزلها من على الدرج سحب بدون ماتمشي عشان ماتتتفركش مرة تانية وتوقع وابكون انا نازلة بحذر على الدرج مشان ما اوقع متل بنتي وبعدسن منوصل عالطابق يلي كنا فيه واجينا منو فبدخل محل ألعاب وبختار لعبة لبنتي صغيرة فبمسكها وابقول لصاحب المحل شو سعرها بدي منها وحده بقوم بيعطيني نظرات تعجب وبقللي نحن مامنبيع بالحبه بس منبيع بالجملة يعني درزن بترك اللعبة وبطلع من المحل بعد شوي بلاقي زوجي دخل عالمحل يلي كنت بدي اشتري منو اللعبة وبكون بإيدو علبة بخاخ غاز فببخ على صاحب المحل غاز فبقوم بوقف صاحب المحل وبعصب منو وببلش بدو يبهدل زوجي وابقول يمكن هلأ حيتضاربو فزوجي لما يجي صاحب المحل بدو يبلش يبهدل وايعصب بيمسك إيديه وبقللو والله عم امزح معك بيطلع رفيق زوجي وبقللو يعطيه لبنتي اللعبة ببلاش هدية فابيجي صاحب المحل بيعطيها اللعبة يلي كنت بدي اشتريها هدية ببلاش المقطع التاني :بشوف حالي ببيتنا متسطحة على الارض وابكون حامل بولد من زوجي بالشهر التاني وابكون مهمومة وابقول هاد تفسير حلمي يلي شفتو بالمنام وفسرتلي ياه مفسرة الاحلام ورد الياسمين اني بدي احمل بولد ذكر فصيح وبدو يجي الحمل بموعد غير مناسب يعني فسرت الحلم يلي فسرتيلي ياه بالحقيقة جوا الحلم فسرتو واتحقق بالحلم وابقول اجا الحمل بموعد غير مناسب ﻷنو اوراق بنتي تبع الاقامة لهلأ مازبطت وبالحقيقة اوراق اقامة بنتي لهلأ مازبطت وابشوف دفتر مكتوب عليه انو ابني يلي حامل فيه لما يولد بدو يطلع فصيح ورياضي وبدو يطلع دكتور دين او دكتور باطنية او دكتور اعصاب وانا بدي اختار اي دكتور يطلع فابقول انا بدي ياه يطلع دكتور دين بس دكتور باطنية احسن مع العلم اني متزوجة وغير حامل وفيه بيني وبين زوجي مشاكل وزوجي سجين ويمكن نتطلق واكتر من حلم حلمتو فسرتيلي ياه انو بدو يطلع من السجن ونتزوج وانجيب طفل ذكر واربع بنات اسفة عالاطالة وجزاكي الله خيرا اخت ورد الياسمين