حلمت بخطيبي السابق بانه مازال يحبني

انا وخطيبي سبنا بعض بعد حب كبير و3 سنين خطوبة وقبل فرحنا ب 3 شهور - فسخنا بسبب سوء تفاهم بينهم وبينا وضغط عليا وعليه بس انا غلطت في حاجة كانت السبب ان الموضوع انتهىوانا بعد ما فسخنا حاولت اكتر من مرة اتكلم معاه وافهمه بس هو رفض يتكلمانا حاليا نفسيتي تعبانة جدا ونفسي يرجعلي وبدعي ربنا ليل نهار ان الامور بينا تتصلححلمت امبارح انه كلمني في التليفون وكان بيكلمني عادي جدا وقالي انتي لسه بتحبيني؟ قلتله طبعا .. وكنا فرحانين جدا واحنا بنتكلم واتكلمنا فترة طويلة جداااوبعد شوية لقيت ماما داخلة الاوضة عندي (في الحلم) وقالتلي فلان (خطيبي السابق) كان بيتكلم مع خالتك وقالها انه مستني انك انتي اللي تعملي حاجة لان انتي اللي بوظتي الموضوعوفي اخر الحلم كنت انا كاني ماشية في الشارع وقابلت 2 صحابي بس كنت من جوايا فرحانة لان الاتنين دول تقريبا شمتوا فيا لما فسخت ، فمن جوايا في الحلم كنت بقول اصبروا بس وهتتفاجئوا لما تعرفوا اننا رجعنا ... وبعدين سبتهم وكنت مروحة البيت وكان معايا شنطة كبيرة فيها كل الهدايا اللي هو جابهالي والمفروض اني عاوزة اوديها البيت بس كان فيه حاجات بتحصل بتعطلني في المشي كاني مش قادرة امشي .. مثلا رياح قوية تيجي ترجعني لورا وبعدين بكمل تاني .. حركات في الارض توقع مني هدية منهم اقف واوطي اجيبها واكمل ، وهكذا لحد ما وصلت بالهدايا للبيتملحوظة..خطيبي بيحبني جدا جدا بس هو حاليا رافض الرجوع بسبب غلطة انا عملتهااسفة ع الاطالة