حلمت أن طيارة سقطت في البحر

كأني كنت انا و أختي في طياره وهذي الطياره طاحت في البحر وانا أشوفها ومدري كيف جيت في سفينه واقول لهم ودّوني لها اقصد الطياره وأول م فتح الباب كانت أختي جالسه تمسج رجلها وقالوا لي انها هي في طيحة الطياره بس تأثرت رجلها وأنا لما سألت عن نفسي قالوا ان بطني انشق كثير وطلعت أحشائي وكانوا يبون اشوف نفسي ..قالت لي وحده روحي قدام بتشوفين مكان فيه دكاتره كثير اسأليهم عن حالتك قلت طيب ورحت وشفت الدكاتره وقالت لي وحده انتي حالتك ميئوس منها تأثرتي حيل بالطيارة لما طاحت وقالت شوفي نفسك في كيس : ماقدرت اشوف ورفضت اصرت علي اشوف ولما شفتني بجد كنت بكيس مثل اللحم حق العيد لما ينذبح وينحط شفت جمجمة الرأس ومكان العيد وماعاد قدرت اشوف الباقي فقلت لها الحين هم يقولون عني ميته طيب كيف وانا موجوده واكلمك وأشوفك وصحيت مفزوعه