تركني قبل شهر واحد من زواجنا

انا بنت عندى ٢٥ سنه اتخطبت مرة واحدة من واحد كنا بنحب بعض وعافرنا لغاية ما اتخطبنا كان فاضل على الفرح اقل من شهر وبعد ما جهزنا كل حاجة لحياتنا الجديدة سابنى من غير سبب كنا متخانقين خناقة عادية جدا اتصل وقالى انا جاى عايزك وقالى كل شئ قسمه و نصيب جالى انهيار من الصدمه وكنت بعيط ادامه مع ان انا شخصيتي صعب ان اعيط قدام حد بس مقدرتش اتحكم فى نفسى ساعتها ويالفعل انفصلنا وكنا حديث كل الناس بعد قصة الحب الى كانت بنا وبعد صبر طويل عشان كنا نكون لبعض بس فى الاخر حصل كدة اهلى وقفوا جمبى بعد الى حصل واتنقلنا من المحافظة لمحافظة تانيه عشان نفسيتى كانت ادمرت وكل حد كان يسأل سبتوا بعض ليه انا دلوقتى بشتغل فى شركه كبيرة ورافضة الجواز بشكل نهائى ورافضه اى نقاش فى الموضوع داه لغاية ما اتنقل مهندس للفرع بتاعنا وكان هو الشخص داه انا عرفت انه مرتبطش لسه وان مشاكل كبيرة مع اهله كانت السبب ان احنا ننفصل مفيش داعى اقول المشاكل عشان هى شخصية جدا انا عرفت الكلام داه من بنت خالته انا وهى صحاب ولما جات له الشغل عشان مكنش بيرد على تليفونات اى حد منهم وقابلتنى حكتلى كل حاجة هى اصلا متجوزة فى المحافظة الى هو اتنقل فيها المشكله دلوقتى ان كل مرة بشوفه فيها ببقى بموت هو بيمثل ان تعاملنا مع بعض عادى بس هو بيتوتر جدا لما بنتلكم وشكله تعبااان جدا من كتر المشاكل والمشاااكل كبيره جداااااا انا بعد ما عرفتها وانا مسامحاه بس هو ميعرفش ان انا عارفه هو حاول كذا مرة يعرف اذا كان فيه حد فى حياتى واله لا مش عارفه اعمل ايه فى اللى انا فيه