مشاكل أهلي جعلتني أفكر بقبول هذا العريس، ما رأيكم؟

انا مطلقة وعندي ولد عنده اربع سنوات وانا عندي ٢٦ سنة ومطلقة من حوالي سنة ونصف بعد زواج استمر ٤سنوات وحاولت كتييير ان الزواج ده يستمر خصوصا لاني معايا ولد وكان نفسي يتربي بيني وبين ابيه بس للأسف بعد االمشاكل اللي حصلت اصبح الأمل مفقود وكمان بعد ما اتجوز مبقاش فيه امل نهائي انا الحمد لله موظفة وبصرف علي ابني خصوصا ان والده مش بيصرف عليه ولا حتي بيطلب يشوفه وانا عايشة في بيت اهلي بس طبعا بسبب المشاكل اللي حصلت من طليقي ساعات كده بيعاملوني انا وابني بااسلوب مش كويس لان زي ما بيقولوا كده البعيد حبيب بس مينفعش اخد شقة لوحدي بسبب العادات والتقاليد وانا محتارة ومش وعارفة عمل ايه خصوصا ان فيه ناس بتتقدم للزواج مني بس كلهم كبار سنا يعنى خمسين سنة فيما فوق وكمان متزوجين وانا رافضة فكرة الزواج من متزوج مش عايزة اجرح. واحدة ست والفترة دي متقدم للزواج مني شخص مطلق مرتين بسبب الانجاب وسنه مناسب وموافق علي وجود ابني معي بعد الزواج ولكن هو معاه مؤهل متوسط وانا مؤهل عالى هو الحمد لله بيشتغل في مكان كويس بس انا خايفة انه يشعر انه اقل مني او يضايقني او يضايق ابني وانا كمان مش عارفه اخلاقه ايه وبيفكر ازاي ومامتي بتضغط عليا ان اوافق وانا نفسي اقعد واربي ابني بس مش مرتاحة في منزل والدي وابني كمان بجد انا مش عارفه اعمل ايه اسفة على الازعاج والاطالة بس انا محتارة جدا