كلما حاولت التقرب منها تصدني بتصرفاتها
من مجهول
تاريخ النشر: 05-02-2018 11 إجابات
مرحبا انا بنت عمري ١٧ سنة مشكلتي مع امي بحسها بتكرهني مع انو بساعدها بأعمال المنزل بدون ما تطلب و لما احكيلها خليني أساعدك بتحكيلي روحي ما بدّي منك اشي و بتصير نحكي للناس أني مايلة وما بحس فيها هو كانت تصير بيناتنا مشاكل قبل سنتين عشغلة بدّي اطلع مع صاحباتي والموبايل ولو تشوفو كانت تشل املي و تصرخ عليي و تشكي عليي لوالدي امي انسانة معقدة بدها اياني أعيش زي ما كانت عايشة زمان بالضبط و عيشتها اقسم بالله الموت اهون منها عير هيك بحسها بتقاهرني يعني لما بدنا نطلع مشوار لو أتأخر دقيقة بتقلب الدنيا عراسي أما اخوي لو بتأخر ساعة ما بتحكي معو كلمة هديك اليوم خلصت لَبْس اواعيي قبل الموعد و انا البس إجت دقت الباب و حكت معي بنبرة انو لسا ما خلصتي واخوي تاخر الا هيي شو بتحكي شو يعني لو تاخر خلصت الدنيا و انا طموحي ادرس صيدلة وبدها اياني اطلع معلمة بس لأنو هيي و خواتها درسو هاد التخصص اقسم بالله تعبت من هالعيشة و والله بحاول ارضيها بس هيي ما بعجبها اشي و بضلها تعلق عصوتي انو خشن وهو خلقة الله هيك والله بكتب ودموعي على خدي يا ريت لو تساعدوني
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده لا يا ابنتي لا تبكي ولا تنقهري، كل ام تحب ابنتها ولكن بطريقة مختلفة واحيانا الام تشعر بالغضب او القهر ان رأت ان ابنتها تأخذ كل شيء لم تأخذه هي في صباها، ربما لسوء التربية او لأمر مرت به وهذا النوع يسمى في علم العلاقات القوة الدنيا: وهي ان يقوم شخص بممارسة ما كان يعاني منه عندما كان في وضع ضعيف بعد أن اصبحت لاقوة بيده" يعني انها عانت من امر ما وهي صغيرة ومراهقة والان بعد ان اصبحت ام بدأت تمارس عليك ما تم ممارسته عليها وهي في مثل سنك، وهذا هو نوع من انوع القوة التي تحكم العلاقات بين الافراد وقد يمارسها شخص اضطهده استاذه فعندما اصبح استاذ فعل ذات لاشيء مع طلبته، او المدير الذي قهره مديره فعندما اصبح مدير قام بنفس الفعل على الزملاء والموظفين، انا احاول ان اعطيك تفسير منطقي لأنه لا يوجد ام لا تحب ابنتها ولكن هذا ليس بيدها ،لذا اريدك ان تكوني اوعى واكثر ادراك وتفهم لما تمر به، وتحاولي ان لا تدخلي في جدال معها، بل قولي لها حاضر، ولا تقارني نفسك باخيك لانه من الواضح ان عندها عقدة الانثى، وعليك ان تتقربي من ابيك واخيك قدر المستطاع لأنهما سيكونان سند لك في القرارات لامستقبلية، وبالنسبة للدراسة اجتهدي وادرسي واحصلي على معدل عالي فوق 95 حتى تدخلي كلية الصيدلة تنافس وصدقيني ستتفاخر بك، واحذري ان تقولي لها اف، احذري هي امك وعليك تقبلها بكل طاقتك وان شاء الله تتفهمين الامر وتتفاهمين معها. وفقك الله 
من مجهول أختي لا تدايقي ولا تزعلي..انا وعم اقرأ مشكلتك حسيت حدا عم يوصف وضعي تمام..انا بنفس عمرك ونفس المشكلة..امي تتعامل معي نفس المعاملة..وكمان الماضي كان فيو مشاكل فدائما تذكرني وتعيرني فالماضي..وعلى دراستي كمان بالجامعة..بس طلع معي حل ماشية عليه هلق وكل شي تمام...الحل هو انو تسايريها فكل شئ..شو ماحكت عليكي قليلها طيب..عيرتك بشي مو منيح عن صوتك متل ماحكيتي أو شي..قليلها طيب..ولاتدايقي بينك وبين حالك..جيبي دفتر صغير وزينيه أو اشتريه متل مابتحبي وصيري اكتبي فيه بين كل فترة وفترة كلام يعزز شخصيتك ويرفعها...مثلا أنا واثقة من حالي..انا صوتي جميل وحلو وناعم...انا قوية بكفاية لحتى اواجه مصاعب الحياة..ومن هالكلام..سايريها وضلك ساعديها بالبيت..وصدقيني هي بعد فترة من الزمن رح تعرف قيمتك واكيد هي ماتكرهك...ومشان انو تعامل اخوكي احسن منك..كثير من الأمهات في مجتمعاتنا بحبو يدللو ابنن الشب من منظور انو حمل اسم الاب الخ من هاد التفكير القديم..بس البنت اكيد أميرة البيت...اكسبي رضاها وسايريها متل ما قلتلك وانتي الكسبانة حبيبتي. من مجهول اكيد امك تحبك مافيه ام تكره اولادها او تميزهم عن بعض بس انتي تحسي كذا لأنك متضايقة من أشياء انا ام وعندي بنت مراهقة كثير اوقات اعصب عليها وأزعل منها بس عشان احبها ابغاها تكون أفضل من كذا اوقات أزعل لو أخرت صلاتها او كنت مضغوطه وماساعدتني بشغل البيت يعني احنا كذا الأمهات مع شغل البيت والتربيه والضغط نعصب لانه مو شي سهل ويمكن اكثر شي بيزعلنا لمن نشوف اولادنا ماهم زي مانتمنى لان كل ام تبغى تشوف اولادها أفضل شي ،انتي سايريها ولا تزعليها شوفي ايش مقصره معاها وايش الي مخليها تزعل منك، كيف بتعاملينها يمكن ترفعي صوتك عليها او شي راجعي نفسك واكسبي رضاها وشوفي ايش حتقولك اكيد راح تنبسط منك وموضوع الدراسه اكيد لو كلمتيها بهدوء وأسلوب حلو حتوافق وتغير رايها . 
من مجهول المؤكد أنه لا يوجد أم في العالم تكره أبنائها الذين أنجبتهم وربتهم ولكن هناك أشخاص يختلفون عنا في طريقة تعبيرهم عن أنفسهم وتعاملهم مع من حولهم وربما هي قاسية قليلاً ولا تحب أن تظهر عواطفها كثيراً كي لا تخسر قوتها وهيبتها امام أبنائها ولكن هذا كله يتراجع مع تقدمها في العمر وفي سن معين ستكتشفين انك تتفهمين طبعها تماماً ونمط شخصيتها الذي يجعلها تتعامل على هذا النحو شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث الوصفات
احدث اسئلة قضايا اجتماعية
اسئلة من بلدك
احجز استشارة اونلاين
