خطبة 3 سنوات انتهت بكلمة واحدة

السلام عليكم والله يااخوان اني اطرح عليكم مشكلتي وانا متالم ومصدوم صدمة عمري من الي حصل . احببت بنت بصدق ومن اعماق قلبي وضحيت بالغالي والنفيس حتى احصل عليها . وبعد تعب ٣سنوات تمت الامور بخير وخطبتها وحبتني وتعلقت قي ودايم ترسل لي هدايا مع اهلها بحكم صلة القرابه الي بيننا ولما حددت الزواج وجمعت فلوسه بالعافيه فجاه وبدون سابق انذار وقبل الملكه بشهرين قالولي مافيه نصيب وبدون اي اسباب. انا حاولت اعرف السبب ولما شفت انهم لعبو في وانه حبهم وحب بنتهم ليا لعبه سحبت نفسي بكل كرامه لانهم بكل بساطه يقولون حاسين ان بنتنا تستاهل واحد احسن . القهر ان البنت من بعد رسايل حب وخطبة استمرت ٣سنوات واهلها كانو من احسن مايكون في الدين والأخلاق فجاه جاتني هالصفعه منهم وبدون اي سبب وبيوم واحد . اقلهم طيب ليه ماتكلمتو من اول بدل سفرياتي وروحاتي عشانكم لاني تعبت معاهم كثير يقولون خلاص مالك شي عندنا وهي من اول اصلا تستاهل احسن منك . السؤال هنا انا الان حاس بقهر وظلم عمري ماحسيت فيه ومنصدم صراحه ان فيه ناس ماعندهم ذرة ضمير و المشكله فيه قرابه بينا . انا عارف اني ماخسرت شي وانه العمر قدامي وانو حاخذ الي تنسيني هيا واهلها بس انا متحسر ومنقهر على عمري الي كان لعبه عندهم وبرد الصفعه صفعات فيهم بماذا تنصحون .