كيف أحسِّن من شخصية أختي وأنزع الكره من داخلها

احنا خمس اخوات تلات ولاد وبنتين ابونا متوفى من تسع سنين والى ربتنا امى انا امى خلفت اربع مرات اول مرة ربنا رزقها بولد وبنت وتانى مره كنت انا وتالت مره اخ اصغر منى والمرة الاخير كانت بنت وللاسف اختى دى شخصيتها صعبه وتعبه الكل هى بتغير من اختنا الكبيرة لدرجة مش طبيعيه بالمعنى الاصح بتكرها...اختى الكبيرة مهندسه واخويا الكبير ضابط صاعقه واخويا الاصغر منى طالب فى هندسه زى اختى الكبيرة واختى الصغيره طالبه فى ثانوى وانا وكيل نيابه احنا اتربنا احسن تربيه امى تعبت علينا لغاية ما وصلتنا للى احنا فيه داه وطلعنا كلنا بنحب بعض اختى الصغيره من فترة بسيطه كنت صحيت على الساعه 3 الفجر صدفه وكنت معدى فى الطرقه عند باب اوضتها وسمعت صوتها بتتكلم فى التليفون مع واحد وكان كلام حب انا انصدمت وفتحت عليها الباب هى من الخضه قفلت الموبايل وكانت مرعوبه منى فضلنا سهرنيين لغايه ما النهار طلع الوقت داه كل هى كانت بتعيط وانا مش قادر انطق مكنتش عارف اتصرف لغاية ما كلمتها كنت بكلمها بهدوء مع ان كان جوايا بركان لقيتها بدات ترد وصوتها على وقالت منتو سبتوا فلانه تحب وتتكلم وسيبنلها حريتها فى كل حاجة اما عندى انا عاملين عليا رجاله وغلطت فى الكلام جامد هى تقصد بفلانه اختى الكبيره عشان اختى الكبيره مخطوبه لواحد كانت بتحبوا من ثانوى وهو بردة كان معجب بيها هو كان قدها فى السن وكلم اخويا الكبيرة بمجرد ما دخل حربيه وطلب منه يستنى على ما يتخرج ويجى يتقدم ليها وتفضل الخطوبه كام سنه على ما يكون نفسه طبعا اختى مكنتش كلمته هو كان باين الحب بنهم وحتى اختى اول ما اعجبت بخطبها جات وعرفت امى عشان كانت مكسوفه تعرفنا وامى هى الى عرفتنا انا من شده العصبيه الى كنت فيها ومن كلام اختى الصغيرة ضربتها مع ان داه عكس شخصيتى انا صبور جدااااا ونادر جدا لو ضربت حد انا مكنتش عنيف فى ضربى وانا بضربها وسحبت منها الموبايل و اللاب توب بتاعها ومنعتها تروح دروس او مدرسة واتصلت بصاحبة اختى المقربه وعرفت منها ان اختى اتلمت على شله مش كويسه وقالتلى انا كنت جتلك البيت بس فلانه هى الى فتحتلى وطردنى وقالتلى محدش موجود تقصد بفلانه اختى الصغير الى تكون صحبتها فضلنا على الحال داه فترة واخواتى وامى كانوا هيتجننوا ويعرفوا فيه ايه بس انا كنت رافض احكى لغاية ما امتحانات نص السنه جات واختى فضلت تعيط عشان عايزة تروح تمتحن وفعلا انا الى ودتها وكنت بستناها بره بالعربيه لغاية ما اخر يوم فى الامتحانات كنت وصلت اختى ورجعت البيت اعمل حاجة وكنت اتاخرت على ميعاد خروج اختى ولما روحتلها كانت واقفه وخايفه وشاب كان بيحاول يمسك ايديها ويشدها تمشى معاه وهى عماله تبعده وتعيط وتتحايل عليه يسبها واول ما شفتنى اترعبت اكتر بدال ما تكون اطمنت الولد دله كان واحد مش محترم زى ما بنقول عليه صايع ومش متعلم داه الشخص الى اختى كانت كلمته هو فى الاول مكنش عارفنى لغاية ما فيه بنت كانت واقفه تعرف الولد عماله تقولوا امشى البنت دى واحده من الشله الزباله الى اختى صاحبتهم هى تبقى اخت الواد وهى الى اقنعت اختى تكلمه واستغلت فترة المراهقه الى اختى فيها واوهمتها وخلتها تحبه الموضوع داه انا قفلته مع اختى بس اكيد عملت مشاكل كبيره مع الولد واهلى عرفوا بالموضوع انا كنت ضربت الولد يوم المدرسه وهو كان بدأ يهدد اختى ان هو هيردلها الى انا عملتوا فيه لغايه ما اخواتى الولاد ادخلوا وعملنا مشاكل كبيره للولد لغاية ما بعد عن اختنا واختى ربنا هداها والموضوع اتحل وهى اتغيرت للاحسن بس لسه متغيرتش ناحية اختنا الكبير اختى الكبيرة بتعمل كل حاجة عشان تقوى علاقتهم بس اختى الصغيرة بتقابل كل حاجة بتصرفات تزعل اختى الكبيرة فى مره اختى الكبيرة خدتها معاها فى رحلها يوميها رجعت الكبيره معيطه من الى الصغيرة عملته فيها من اهانه واحراج وكل حاجة تتخيلوها الايام دى الصفيره هتحدد علمى واله ادبى اختى انا سالت عليها المدرسين كلهم قالوا مستواها ممتاز بس معظم المدرسين رشحوا لاختى ادبى وقالوا ان اختى قدراتها عاليه جدا فيه بس هى بتعارض وبردة بتقارن نفسها باختى الكبيره احنا كلنا تعبنه منها ومن تصرفاتها وعقليتها انا بفكر اوديها لدكتور نفسى بس مش عارف اجبهلها منين ومش عارف الدكتور هيبقى قرار صح واله غلط ومحدش عارف يتعامل معاها وامى ست كبيرة مش حمل الى اختى الصغيرة بتعملوا دى وصلت ان اختى الكبيرة بتتكلم مع اخويا الصغير وبتقولوا ياله اتخرج بقى وتعالى نشتغل سوا ونعمل شركه وبتهزر وتقولوا انا هبقى المديرة وانت تشتغل عندى كلنا ضحكنا والموقف عدى لقينا بعدها اختى الثغيره بتقولوا متشتغلش معاها واتخرج واشتغل انت لوحدك واثبت انك احسن منها وانها ملهاش لازمه