مطلقة وشرط زوجي للعودة هو السكن مع أهله، ما رأيكم؟

السلام عليكم انا مطلقه من سنه تقريبا وعندي طفله وسبب الطلاق اني اكتشفت ان زوجي يخوني وسمحته وبعدها بقا فيه اهمال شديد ليا واهله بيدخلو ف حياتنا بطريقه غريبه واقسم بالله ماكنت برد الغلط بغلط لحد ما وصل الأمر ان زوجي يضربني ع أقل سبب وكنت حامل ف اول شهور وبعدها طردني من البيت مع العلم اني مغتربه ومالي حد غير رب العالمين وراح سكن عند اهله واكتشفت انه خطب قريبته حاولت ارجعه عشان البيبي وعشان بحبه وقولت يمكن يتغير ولكن كان رافض وقالي مش هطلق ومش هرجع مش عجبك ارفعي عليا قضيه وبعدها بشهرين اتطريت ارفع قضيه لانه مكنش بيصرف عليا ومكنش عندي شغل وسكنت عند واحده من نفس جنسيتي راعتني ف حملي وولدتي وبعد القضيه بشهور كل مرة يوعدني اننا نرجع بس اتنازل عن القضيه وكنت بروح احفظها ويطلع كذاب وانا تعبت ومش عارفه اعمل ايه وعود كتير منه بس بيخذلني كل مرة وساب خطيبته وقالي ان الموضوع كان مجرد كلام بس من اهله اما هو مخطبش رسمي ودلوقتي بيرجع بكذب عليا تاني ويقولي هيرجع بس شارط عليا اروح اسكن عند اهله مع العلم اهله بيعملوني وحش لاني مش من نفس الجنسيه ومافيش مكان حتى اقعد فيه عندهم الشقه كلها شباب كبار وامه والحمام هيكون مشترك بنا وانا حاسه انه هيرجع عشان اتنازل بس وهتبهدل معاهم بس انا كل الي مخليني مش قادرة اخد قرار خايفه ان بنتي تتعب نفسيا لما تكبر اننا منفصلين او في يوم ياخدوها مني مع العلم انهم مش مهتمين بيها اوي وفي نفس الوقت خايفه ارجع والبنت تتربي في مشاكل بنا وبرضو يأثر عليها هو ضعيف الشخصيه وبيسمع كلام اهله واصحابه ودايما يقولي المرأه مجرد جاريه لجوزها تاكل وتشرب وتشاركه مصاريف الحياة وبس وملهاش رأي ف حاجه ودي طبعا الفكرة الي واخدها من اهله واصحابه لانه ف اول شهرين من الجواز واثناء الخطوبه مكنش دا تفكيره انصحوني ارجع ولا لأ واطلع ازاي من الي انا فيه ارجوكم