كنت أظن أن ابن عمي يعاملني كأخت له لكني صدمت به بعد خطوبتي

ابن عمى بيدمر نفسه بسببى انا وابن عمى من صغرنا قريبين من بعض انا اكبر منه بشهرين هو مولد فى شهر ١٢ وانا مولودة فى شهر ١٠ وبالتالى كنا دفعه واحده فى الدراسه كنت بحبه جدا بس كأخ وكنت بشوف حبه وخوفه وحنيته عليا انها مشاعر طبيعيه من اخ كل قرايبنا واصحابنا واى حد يعرف معرفه عادية كان شايف ان حب ابن عمى ليا مش مجرد حب اخوات الا انا.انا حبيبت وانا فى اولى ثانوى شخص كان قمه فى الادب والاخلاق والتفوق هو اتنقل من بيته من اول سنه ليه فى جامعه واخبارة انقطعت بعدها وكنت على امل اى خبر عنه لغاية ما شفت صفحة الفيس بتاعه وفضلت اقلب فيها لغاية ما عملتله لايك غصب الشخص داه كان فاتح صفحته ساعتها وشاف اللايك ودخل كلمنى اول الشات بنا كان عمال يضحك وانا اعتذر وكدا وعملت ليه بلوك عشان الاحراج ونمت تانى يوم الصبح صحيت لقيت بنت كانت عندى من الاصداقاء من زمان اوى بس عمرى ما كلمتها واله اعرف مين دى بس هى بنت وبعتتلى رساله وكلمتها اتكلمنا حوالى شهر ونص وكانت خلال الفترة دى كانت بتسأل اسئله شخصيه شويه زى اتخطبتى فيه حد فى حياتك انتى متخطبتيش ليه لغاية دلوقت وهكذا كنت بعتبره فضول بنات لغاية ما قالتلى انا ابقى اخت فلان وهو عايز يتقدملك انتوا لما اتكلمتوا ودخل دور فى صفحتك عرف انك لسه مش مرتبطه وقالى اشوف اذا كان فيه حد فى حياتك واتخطبنا وانا هموت من الفرحه بس اتصدمت لما ابن عمى كلمنى يوم الخطوبه الفجر وقالى مبروك لبستوا الشبكه خلاص قلتلوا انا هموت من الفرحه مش قادرة اصدق انه من نصيبى انت متعرفش انا بحبه ازاى وقالى وانتى متعرفيش انا بحيك ازاى انتى اول حب فى حياتى انتى ازاى انانيه قلتلوا انت ابن عمى وبس انت وانا صحاب واخوات مش اكتر مش هتيجى لما يبقى عندنا ٢٤ سنه نقطع علاقتنا ببعض وخليك فاكر انك سندى واخويا قبل اى حاحة بعدها باسبوعين ارتبط ببنت كانت دفعتنا بس البنت دى متنفعش لابن عمى نهائى هى شخصيتها صعب تعيش مع ابن عمى واسلوبها وكلامها وكل حاجة وكمان اخوها بيشرب مخدرات وابن عمى بدأ يشرب البنت دى بتفرح بلمت الولاد حوليها انا لما اتحكالى من بنات واتاكد من الموضوع شفت فى عيون كل بنت حكتلى عيون شك عايزين يشوفوا اذا كنت بحبه فعلا واله لا انا غصب عنى ادايقت الكل فكر انى بحبه بس انا اقسم بالله بعتبرة اخ مش اكتر حاولت اصلح شكلى ادام الناس وحكيت لخطيبى وقالى اما ميهمنيش كلام الناس اهم حاجة ان انا متاكد من حبك ليا وانى حبك الاول والوحيد انا هتجنن على ابن عمى ليحصله حاجة وخايفه موت على عمى انا حاولت افتح الموضوع مع ابن عمى كان ردة انا حر انا عمى ممكن يموت لو عرف ان ابنه الوحيد بيشرب وكمان لو عرف انه على العلاقه بالبنت دى ساعدونى ابن عمى اتغير ١٨٠ درجة وبقى ماشى بدماغوا يعنى لو حد كلموا واتعصب عليه ممكن يسيب البيت ويضر نفسه انا مقدرش ابعد عن خطيبى انا على ما صدقت انه بيحبنى وانه اعجب بيا من واحنا فى ٣ ثانوى وانه بقى من نصيبى