تعبت من تحكم أختي و‏سيطرتها علي

السلام عليكم اشكر موقع حلوها بصراحه انا عندي مشكله فيه وحده من اخواتي تتحكم في كل شي لدرجه انوه اذا جاء احد يخطبني بحكم اني مطلقه وتقدملي واحد كبير في الستين ومتزوج وأقنعتني ووفقت بس الحين ماابغاه والحمدالله راح هذا الى تقدملي ولا فوق هذا تقول لي ليه تسوين ملكه مايحتاج انتي وحده فاضيه وقبل هذا تقدملي واحد كمان مطلق ونفس الشي تقول بتسوين ملكه ماله داعي وزعلت وترقبني في كل حركاتي بذات انا واُختي الصغيره تتركها بس انا وقبل يومين تقدملي واحد وكان يبغى بتقدملي بس كأن فيه اشياء يبغى يعرفها عني وتقول لا ليه هذا واحد مو تمام ومدري ايه الين الناس ملوا روحوا وهي ماتبغيني اكون احسن منها لدرجه بعض الأحيان اقراء اشياء مضحكه في الجوال تجلس تقول وشفيك وأقولها الصدق تقول والله مدري وش عندك واذا كنت اكلم وحده من صاحباتي تجلس تستفسر مين تكلمين وش تبغى ولا تتحكم فينا في اللبس بعد تقول لا هذا مدري وشفيه واذا جيت مثلا بأخذ شي تحطمني وهي الوحيده من اخواتي لدرجه انها تقنع امي وتبغنا نسمع كلامها واذا ماسمعتي كلامها زعلت واذا صار مشكله في البيت او لي شخصيا تبغى الكلام لها كله وانا ابغى حل بالله وش اسوي معاها والله بعض الأحيان تغلط علينا وتبغنا نجي لها نعتذر رغم انوه هي الغلطانه حتى والله صرت اخاف اتكلم مع صاحباتي تعرفون في بعض الأحيان في اسرار بين الصديقات وماتبغين احد يعرفها وهي تجلس لك في المكان الى تسمع فيه كل شي واذا رحت مكان ثاني تجلس تقول ليه رحتي هناك وش عندك وتزعل واذا طولت رغم انوه على جوالي هم تحاسبني تجلس تقولي خلاص قفلي ايش هذا الكلام وتخاصم الين تصير مشكله وافتكر قبل يوم كنت في فترة المشكله مع طليقي كنت اقول بتصل على طليقي وأتكلم معاه واترجاه ونحل الموضوع تقولي لا لاتتصلين هو الي يتصل ولاترسلين طنشيه وياليتني ماسمعت كلامها وفي الأخير جاني خبر انوه بيطلقني ساعتها قلت والله لاتصل. وفعلا اتصلت تخيلوا وش قال بدري الحين جايه تكلميني حتى جوال امي المسكينه معاها واحنا اذا جينا ناخذ جوال امي شوفي التحقيق كيف ليه ولا تطولين ومن هذا الكلام واذا جينا بنروح مكان تجلس تقول غطي عيونك زين لاتسوين كذا وبعض الأحيان تمر علي أوقات احس اني متضايقه فيها تجلس تقول اكيد عندك مصيبه شفتوا كيف وهي على راحتها تسوي الى تبغه ماأحد يحسبها واذا جيت بس وسألتها اذا شفتها تضحك تقول وش لك فيني وهي اذا شافتنا نضحك تجلس تحاسبنا واذا ماقالنا لها تزعل وتعصب لدرجه انوه ودي اروح لصاحباتي ازورهم تقول لا خذي امي معاك قلت هذي جلسة صاحبات بدون امهات واُختي الصغيرة ماتقولها شي تروح مع صحِبتها المكان الى تبغه مع السواق وانا تجلس تحاسبني الين اكره الشي واتركه وماتبغى غير كلامها يصير في البيت بالله ساعدوني راح أنجن منها امانه عليكم ردوا علي بسرعه في ذمتكم