خائفة على أختي من إدمانها على المسنجر

اختي عندها زي ادمان ده ولا ايه انها تكلم ولاد علي الماسنجر اكتر من مرة تكتشف و نواجهها و نعاقبها بالحبس و نكلمها بالعقل و ننصح فيها مفيش فايدة ابدا ..عايشه معانا علي وعد انها مش تكرر ده و طول الفترة دي بتخدعنا و كل شويه ماما تاخدها علي جنب تقولها لو بتعملي حاجه غلط قوليلي وانا هاساعدك تبطليها و هنقف انا واخواتك جنبك مش تكلمي ولاد اتكلمي معانا واحنا هنسمعك و اخرجي مع اخواتك هيا بتكلم حوالي ٤ ولاد ٣ بتكلمهم علي انهم صحابها عادي و الرابع مفاجاة بيتفقوا انهم يتجوزوا ..هذا شخص حيوان لا ينفع تتجوزه اصلا و فهمناها قبل كده ليه لا اخلاق ولا دين ولا علم ولا وظيفه ولا وضع اجتماعي ولا اي شيىئ هو ..امي رات المحادثه و تبكي لان بها بعض التجاوزات الجنسيه و كمان اختي ارسلت له صور لها الصور ( صور عاديه بس بلبس البيت و بشعرها و احنا مسلمين و محجبين كلنا ) ...واحنا كاسرة مش ممانعين اننا نجوزها هيا في تانيه جامعه لكن محدش بيتقدم لها لانها الصغري و تسبقها اختان خطبت احدها والاخري لسه طيب يعني نعمل معاها ايه دي والله والله تعبنا منها اوي اوي كسرت قلوبنا كلنا بافعالها و نتصرف ازاي مع الواد ده هو معاه صورها يعني يمكن يهددنا بيها و يضيع شرف الاسرة كله ده هياثر علي اختيها وهيا عارفه ده كويس و سمعتنا التي لا نملك غيرها هتضيع نعمل ايه ساعدوني